Euskadin laster egin
P.I.
1
Agur Euskaldun eta arrotzak, hunat jin diren guziak
Bihotzez egun ongi-etorri, dautzue gure herriak
Aratsalde on, esku hedatuz gaur Makeako xoriak
Besarka bana merezi luke, gutartean den jendeak.
2
Egia erran, ez nuen uste denbora on ukaitea
Aste guzia euritsu eta lanoa gaur altxatzea
Iguzki horri, azkar baitugu, orok esker bihurtzea
Guzien bixtan, zeinatuko naiz, zueri da segitzea.
3
Hola hasirik, aratsalde heu, egin kanta eta irri
Pesta handi bat, gure Euskadin, lasterka herrian ari
Mile esker zor Etxart jaunari eta ere Laguneri
Hoieri esker, urtean behin, ikusten «Marathon» hori.
4
Marathon deitu lasterkaldia abiatu da Kanbotik
Gure gazteak, espartinetan, hor galtza motzak jauntzirik
Bide neke bat, eginen dute, segur beren nahitarik
Gose, egarri gaur bazterturik, goiko menturaz deiturik.
5
Jada Hazparnen helduak dira lehen hamarrak engoitik
Goiti behera itzuli frango kolpez hoiek iraganik
Beti aintzina segitzen dute lehen egitea gatik
Eta hortako hatsa behar da bihotza ere azkarrik.
6
Euskal-Herriko lasterkariek hatsa oraino baitute
Horra zertako beti doatzin Lekuine utziz aparte
Gerezieta begien bixtan patarra iragan dute
Atzo egun bat egun bertze bat horren berri badakite.
7
Erran behar dut xoko pollitez guti hoiek gaur axola
Bixta lenbrotuz menbro ahulduz alta Lekorne hor dela
Urtsu, Baigura, alderdi batez bi herriena dugula
Ez egin geldi, zin egin dute hitzaren jabe direla.
8
Bukatu aintzin esker bero bat gurekin diren talderi
Hegoa deitu eta Etxarti, Eyherabid'anaieri
Gure Euskadi ospatu dute bozez kantatuz deneri
Nere aldian gauden Euskaldun, errepikatzen zueri.
9
Lasterkariak, hurbildu zaizku, neri oral ixiltzea
Lehen gizona lruñako da, merezi du laguntzea
Mehe sekail da bigarren hori, Euskaldun ere bertzea
Zer jarrai-bide, gu guzientzat, beti hola jokatzea.