Jutsiko ihizlarier
P.-L. Herritarra
1
Larrazken undar hüntan egin dugu irri
Hortaz nahi dautzuet eman zerbait berri
Jutsi karraskan lotu da ihiziari
Eta partikulazki bas-urde hoieri.
2
Duela hamar urte baitzen hastapena
Pillek orduan zuen kalitu lehena
Geroztik harma hoiek egin dute lana
Aurten ere airoski hil dute dotzena.
3
Arto-biltze pundua hurranduxea zen.
Noiz-ta Arņo Arrasi harriturik baitzen
Haren alor ederra funditua zuten
Alta ber'ustez ongi zerratua zuen.
4
Segidan egin zuen armadari oihu
Zakur eta gizonak laster ziren bildu
Denen arte mendia ere inguratu
Eta bi urde polit zuzten eskuratu.
5
Igande goizņo batez Babatze lepoan
Hamar basurde ziren agertu lerroan
Han ziren tirariak jenatu hautuan
Bakarrik biga ziren gelditu lurrean.
6
Ondoko egun batez gur'auzo herrian
Bederatzi basurde Bunuz Errekaldian
Promenan ari ziren goizaren erdian
Irriak sartu ere heier atsaldean.
7
Bunuztarrek lagunduz ibarlarrek ere
Bederatzitarik bortz orduan hil dire
Batasun ederra zen, Gora Oztibarre!
Elgar entzuteak du segurki botere!
8
Beren saila segituz badoaz aintzina
Ez dote azken hitza oraino errana
Beharrik hor baitute Kaiet kapitaina
Eta Taio zaharra zakur hoberena.
9
Biziatu dirade, beti handiago
Erbiez ez eskerrik lapinez gutiago
Beldur naiz partituko direla oraino
Elefant'ihizirat Afrikaradino.
10
Hauxe ere nahi dut zueri kondatu
Urtatse arratseko bazela moimendu
Ihizlari andreak tuzte gomitatu
Holakorik ez dugu ardura aditu.
11
Presidenta goretsiz dut gaur bururatzen
Batasuna herrian baitauku xerkatzen
Auzo herriekilan ongi akomatzen
Ber bidea segituz dugula laguntzen.
