Bozeri buruz
Pindar (gazte)
1
Bada egun hautan haro
Kanpoan ez dela bero.
Napar, Lapurdi, Xubero
Gaude hozturik, petzero...
Gaztek ihes lerro-lerro...
Nola debru bizi gero?
2
Gure makur handienak
Parisek dauzku eginak.
Nausituz geroz Kaskoinak,
Nun dira gure gizonak?
Aspaldi jo du orenak
Atzar gaiten, Eskualdunak!
3
Huna nun zaukun hurbildu
Elikopterez Pompidou!
Hau zerutik jautsi ordu,
Lausenguak ez ixildu:
«Karlos handiak behar du
Hemen gaindi boza bildu!...»
4
Christiane Etchalus Iruñan
Egon da nahi-gabetan.
Polizaren eskuetan
Ez zen ari fandangotan!
Hura dut bai lorietan
Hautatuko nik bozetan!
5
Ximun Haran pilotari
Da Hendaian bolikari.
Karriketan, polizari,
Ez da usu irriz ari!...
Bozetan, agian sarri,
Nausituko da deneri!
6
Guhaurri ez egin uko:
Hola gira salbatuko!
Hego alde fuera Franko,
Ipar alde beste frango...
Behar da zerbeit holako,
Zazpiek bat egiteko!
PINDAR gazte,
|