Battitta Xuberotarrari
Pierra
1
"HERRIA" nuelarik gostuz irakurtzen
Bat batean hasi nauk zerbaiti ohartzen
Xuberotik bertsiak eni buruz heltzen
Enikan holakorik sekulan asmatzen.
2
Battitta hiri bahut segidan pentsatu
Gure adixkidantza ez duk atzo sortu
Halere behar deiat bihotzez aitortu
Hire egitateak nuela hunkitu.
3
Hire orhoitzapena, oi, aspaldikoa
Jutsitar hintzalarik gazte mutikoa
Osagarria galdu hogoi urtekoa
Bainan hire kuraia denen gainekoa.
4
Izura eta Jutsi dituk ezagutzen
Horgo berriez beti oso intresatzen
Onak direlarikan dukek plazer hartzen
Maleruski bertzerik ere duk agitzen.
5
Milesker bihotzetik Battitta maitia
Ezin heldia diat hire ikustia
Xuberoan Altzükün baihaitz kokatia
Osagarri, kuraia, oi adixkidia!