Mattin eta Xalbador gaizoeri
Piarre, Otto
1
Kantu hauk igortzen ditut,
Mattin eta Xalbadori,
Nitaraino heldu baita
direla nigarrez ari,
biek omen egin dutela
oihu ezin-bertzear,
urrun bizi dituzten semez
bihotza dutela eri.
2
Sort-herritik kanpo joanak
munduan zonbat Eskualdun!
Nik, heietan, nahi nuke
izan guzien oihartzun.
Oro gira norbeiten seme,
norbeiten amodiodun;
Ez dugu ez guk ere, segur,
nigarra ardura urrun.
3
Mattin eta Xalbadorrek
diote ezin-bertzea,
hori dela, mundu huntan,
Eskual-Herriko legea;
Ez, ez, jaunak, bada bertzerik,
dena baita aitortzea,
soberentzat Eskual-Hernia
kukiaren ohantzea.
4
Xuka nigarrak eta jo!
Mattin, Xalbador, maiteak;
Atxik oso eta garbi,
Eskual-Herrian gureak.
Oro gaitu azkar ibiltzen
Eskualdunak izaiteak,
dakiguno leial daudela
gure herritar aldeak.
5
Denentzat izan da beti
Maiatz bezenbat Abendo.
Hil-ondoko zorionak
lur hautan egiten erro.
Bere haurren aitatu dena
arranguran bizi deno,
haurrarentzat sort-etxea dago
zeruaren iduriko.
|