Bidarrai
Piarre, Otto
1
Mixelengo zubia, zubi famatua
Hori dugu ardura lehen kantatua.
Joanden astean zauku jin artikulua
Bidarraikoa dela orai aipatua
Josteta an dela han ere debrua.
2
Gehiago ez dute apezek xapelik
Haizeak ez omen du deus egitekorik
Erromanoek egin zubi zaharretik
Gure asto zaharrek ez zuten lanjerrik
Ez eta asto zainek debruen beldurrik.
3
Behi-orgen ondotik jin ziren autoak
Batzu bertzeak baino zabalagokoak
Zubi hertsian ziren oinezko gaizoak
Noizbait hortako ziren izan ur-jokoak
Manez eta Ximunen, bien artekoak.
4
Oral ederra dugu, zubi berriari
Karga altxatzekoa urerat erori
Debruaren gain dute emaiten lan hori
Eta ni gogoeta bertzela naiz ari
Sorginak ote diren berriz ere bizi?
5
Iparlan an dira lurraren ikertzen
Nago ez ote diren soberasko sartzen
Lehen aditua dut zaharrek erraiten
Meridi hortan zirela laminak gordetzen
Sorginak laminekin dira kurutzatzen.
6
Sorgin eta laminak debruaren mutil
Ez ziteztela heien beldurrez erabil
Bidarrain bada beti aski gizon bipil
Erromanoak bezain azkar eta xotil
Ukanen dute noizbait denentzat nun ibil.