Ortzaiz-Kapittinaineko urrezko ezteiak
Piarre
1
Oi, Aita Amak barka lau bertsu ahul haukien lantura!
Zuen ezkontzak hirutan hogoi urte heldurik burura
Diote egun hartzen duela "diamant"-aren itxura
Gure haur eta arrahaurrekin jinik zuen ingurura
Alaitasunez ezker bihurtzen otoitzez gaude zerura
2
Goiko eskuak bidatu zauzte bizi luzearen alide
Beti izanak ere baitzaizte fede haundi baten jabe
Bat bertzearen leialtasunaz nihoiz dudatu-re gabe
Osasunaren beiratzaileak artatsuak eta trebe
Biziak dauzkan erauntsitarik bat bertzearen aterbe
3
Supazter ona ez da ez beti etxe ederren sabela
Dakit Ait'ama amodiotsu batzuen bihotza dela
Egunez egun haurtasunetik ikusi dugu horrela
Gu ere entsaiatzen gira egitea zuek bezala
Etxetako goxotasun onik ez baititake bertzela.
4
Zuen bihotz asmuak beti familiaren lokarri
Gutan bakotxa duzue hola jarrai biderat atzarri
Zuen inguru hementxet gaude esku emanik elgarri
Goiko eskuan nahi baitugu itxaropena ezarri
Oraino luzaz egon zaitezten gu guzien argizari.