Neguko xorieri
Phagoteguy
1
Larderia hobeki finkatu beharrez
Igaiten ohi dira gizonak mail batez:
Hargatik xuxen dena ez dago beldurrez
Axola guti baitu arrazoin mainguez.
2
Kantuz ala pertsutan agerturik dena
Ez da izaiten bethi erran haundiena.
Pertsulariak badu gaixtoan eztena,
Entzun dezake laster nahi ez duena.
3
Zure pertsu hantuek dute erakasten
Ez dautazula bethi egia xekatzen.
Egia ez da nihoiz kuxkuan bortxatzen:
Luzara lan txar horrek haigitu beretzen!
4
Phagotegik badauka aski largotasun.
Ez gogor ukatzeko ez hemen ez nihun
Gazteak bagirela askitto zentzudun,
Ez izanikan ere haurrak bezain putrun.
5
Ene auzi-aldi hau ez othoi gaitzi har,
Gure adixkidantza ez dadien eihar.
Elgarren argitzaile dugu izan behar,
Eskuz esku ibiliz egun eta bihar!