Arrosan gertatu denari
Pettan Menditarra
1
Hauxet trixtezi lotsagarria Arrosan den gertatua
Alai bat berriz gehiago da etsai lana obratua
Euskaldunari hola kentzeko dagon bizi sakratua
Horrek barnean berekin zaukan debru madarikatua.
2
Euskalduna gaur daukate denek kasik ezin ikusia
Gure lurretan kendu beharrez dabiltza gure bizia
Arrotz gaixtoa izan hadila lehen hiaur errautsia
Odola kenduz xurgatu aintzin gure Izaite guzia.
3
Errespetuaz erabil bedi euskaldunen erreinua
Gure odolaz gorritu gabe lur gainaren eremua
Etsaia, hire bihotza onduz bizi utzak protximua
Oren dorpean onets dezakan Jainkoaren estimua.
4
Ai! nolakoa zaude beraz zu oraiko errepublika
Deszuzentasun horI nolaz den ez dezakena esplika
Bas-ihiziak zenbait ez dira haizu hiltzerat aldika
Eta jendeak aldiz edozoin kolpez itzulipurdika.
5
Aita bat joan ospitalerat mutil gaztea mundutik
Ereman dira horiek biak bihotz gaixto baten gatik
Ai! zu, Rafael, otoitz egizu Jainkoa lagun zerutik
Euskal-Herria begira dadin berriz holako kasutik.
6
Eta, Jesus, zuk ere baituzu zure bizia her uzter
Pena doblea emanen zuen familia eta bester
Bainan alaitu gira, bizirik zaude Jainkoari esker
Denen desira litaike, Jesus, indartu zaitezen laster.
7
Huntan uztien dut ez joan nahiz arras debalde aintzina
Behar ez dena kausitu baita herraren minaz egina
Kriminaf harek eginik ere nahi hanbat etsamina
Bizi guzikotz geldituko da kontzientzia zikina.