Kaiolatik
Pettan Makearra
1
Bukatu da maiatza, du azken eguna
Utzi behar Makea ta dutan laguna
Gaurko gertakaria ez argi... iluna
Kartzelan sartu baita Pettan euskalduna.
2
Asko gizonek dute harma sukaldean
Berdin beste ttipi bat gaur horren aldean
Ta nik hori izanki murru bestaldean
Gure aitek zutena gudari taldean
3
Nihola ez da harma munduan maitena
Gainerat ez nerea, bainuen aitena
Beti, egia erran, hau dut dakitana
Jujek egiten dute gaur nahi dutena
4
Bost iheslari, deitzen Txiki eta Xori
Marmaru hirugarren, nolaz Perde, gorri
Hauek egin dautate bai ongi etorri
Ta nik bihotz bihotzez eskerrak orori.
5
Hemen ezagutu tut Xan Paul, Panpi Mari
Herria zaindu nahi, baita maitagarri
Ez dezagun bota gaur harria elgarri
Bainan heda eskua lagun leialari.
6
Lehengo denborentzat hura ta halako
Oraiko justiziak badauka holako
Hemen ez libertine ez-eta xahako.
Zango peau dagona nahitez da flako
7
Mila bederatzi ta laur hogoi eta sei
Baionako kartzelan hemengo hoitasei
Abertzaleak kenduz, gelditzen hamasei
Guziak kaiolatik laizke kanporat gei
8
Hemen bizimodua, segur, hobetu da
Janaritik hasteko, bainan falta salda
Gelan bi, hiru lagun, telebixta bada
Oro elgar iduri, ezin da asalda.
9
Ustez sinesteak du azkartzen gizona
Hortik heldu baitzaiku hemen zoriona
Xeka dezagun orok herritarren ona
Euskaldun egon dadin gure den Baiona
10
Azken bertsua zuri, espos lagunari
Arbasoen euskara beti da lokarri
Sei haur ditugu eta oro maitagarri
Guziak jarraik bite euskal mintzairari.