Jesukristoren pasiua
Xenpelar
1
Fedeko egiya da
kantuzko moduan
zer pena pasa zuan
Jesus'ek munduan
ia nere Kristabak
aditu kontubak
izan bearko genduan
zerutik kanpuan
Jesukristo ill ez balitz
Gurutze Santuan.
2
Paskoaren aurreko
astegun gaba zan
Jesus odola ixurtzen
egona baratzan
baldin bere Aitaren
borondatia bazan
eriotzatik libratzia
posible ote zan
ezetz esan ziyon ta
oso beldurtu zen.
3
Jesus ordurako zan
Judas'ek saldurik
baita bere anima
betiko galdurik
Judu odol tzalia
gaizki formaturik
etziyoten arkitu
iņun pekaturik
preso eraman zuten
sokakin loturik
4
Ogeita amar dirutan
egiņik tratua
Judas'ek saldu zuan
Jaungoika justuba
bera gaizki egiņaz
txit ernegatua
piko batetik soka
lepotik lotuba
ostial goizian zan
Judas urkatuba.
5
Ainbeste soldadu zan
Jesus lotutzera
andik eramanzuten
Anas'en etxera
gero berriz Kaifas'i
presentatutzera
zer dotriņa zedukan
kargu artutzera
zerutik jexi zela
gu salbatutzera.
6
Pensatu zuten jesus
zalako erua,
buruan sartutzia
arantzazko orua
ainbestez etzan atse
Kaifas'en gogoan
Pilastos'i biraldu
Jaun Soberanua
onek egintzezala
illtzeko modua.
7
Pilatos jarrizikan
Jesus juzgatzeko
baņan eziņ billatu
kulparik iltzeko
gero agindu zuan
azotatutzeko
eriotzarik gabe
ala libratzeko
baņan agindu zuten
gurutz illtzatzeko.
8
Bost milla eta geiago
azote lenbizi
alako martiriorik
eztu iņork ikusi
tormentu oyek denak
emani Jesusi
gero erazo ziyoten
berriz Pilatos'i
gurutze baten puntan
biar zala josi.
9
Ainbeste desafiyo
aditu onduan
Pilatos bildurtu zan
alako moduan
jartzeko gurutze bat
berari lepuan
kalbariyoko mendira
arekin dijuan
Pilatos'ek sententziya
ala eman zuan.
10
Gurutze bat emanik
bera jositzeko
Kalbarioko puntan
an ikusitzeko
Jesus konformatu zan
denak sufritzeko
borondatez biziya
emen utzitzeko
munduko pekatuak
erremediatzeko.
11
Jerusalengo kale
oriyetatikan
mendira artu zuten
sokaz loturikan
pauso bat eziņ eman
gurutze betikan
Jesus'en enpeņua
ziran gugatikan
libratziagatikan
guk pekatutikan.
12
Kalbariyako mendi
bide gogorrian
iru bider erori zan
Jesukristo lurrian
bere Ama Santisima
zijuan aurrian
ekusirik semia
eziņ egiņian
zer pena egongo zan
aren barrian.
13
Laguntzeko artu zuan
Simon Zirineo
ojala pentsatuko
balitz egunero
ibilli ez gaitezen
damutu ta gero
Simon'en pausuetan
jarraitzia dago
bost aldiz aritzen da
kulpitutik klaro.
14
Allegatu ziranian
mendi santu artan
illtziakin josi zuten
esku ta oņetan
zeru lurren Jabia
gurutze orretan
gure salbazio eske
Aitari benetan
zeņik etzayo jartzen
biyotza penetan.
15
Amabiyetan zuten
gurutzian jarri
zorrak pagatutzeko
pekatariyari
erregua egin ziyon
Aita Eternuari
arren barkatutzeko
aren etsayari
orra zenbat nai zigun
Jesukristo'k guri
16
Zer pena pasa zuan
Jesus'ek gugatik
zintzillik iru ordu
gurutze batetik
lantza sartu ziyoten
bular sagradutik
alare biziko zan
oyek denak gatik
borondatez illtzan gu
salbatziagatik.
17
Kunplimentu emanik
Jesus'ek lanari
pekatariyagatik
artu zuanari
San Juan utzi ziyon
bere ordez Amari
Espiritua berriz
Aita Eternuari
despedida egin ziyon
mundu guziyari.
|