Chalbadorren ondotik Mattini galde

Pertsulari gazte bat

 1

 Gazten herrunkan eta oraino aprendiz,

 Pertsuen emaiten doy mat hasten niz.

 Chalbadorrek emanez gustatu niz hainitz,

 Orai hemen nago Mattinenak nahiz;

 Pena izanen nuke, harenik ez balitz!

 2

 Mattinek izan du Herria-n galde,

 Othoi ez gitzan utzi ordainikan gabe

 Bertze zonbait bezala ez baita herabe,

 Pertsuak eman ditu harek lehen ere,

 Dohainik ederrenen baitago jabe

 3

 Ahetzeko Mattini hau diot galdetzen,

 Ez dadien hasi gazten mendratzen!

 Zaharrek ez badituzte gaztiak laguntzen,

 Ez dute ikhasiko pertsuen emaiten,

 Zaharrekin baitugu lanian ikasten.

 4

 Etchahun Chuberoan, Oxalde Lapurdin,

 Bettiri chantre zena nagusi Baigorrin!

 Bettirik bazakian kantuak nola egin,

 Hastean bezain eder akabantzan berdin,

 Etsenplu har dezagun haren pertsuekin!

 5

 Oxaldek eman zuen pertsu batian,

 Ez dela behar nehor sartu urgulian,

 Erbia lo dagola uste ez den lekhian!

 Landareak badira Eskual-Herrian

 Agertuko baitira loretzen direnian

 6

 Mattinek behar du berak ikusi,

 Pertsuen emaiten nahi duen hasi;

 Chalbadorrek ez luke hola merechi!

 Baigorritik diotet bieri goraintzi

 Pertsulari gaztetan ez dezaten etsi!