Primaderako florian
1
Primaderaren florian,
Hoita laugarren urtean,
Neskatcha gazte iñorant bat naiz
Pena-changrinen erdian
Ene bizia galtzera noa
adinik ederrenian.
2
Badu jadanik lau urte,
Badudala norbait maite.
Burrasoeri deklaratua
Orai duela bi urte
Hekiek ere achola gabe
Saldu nahi izan naute.
3
Amak erran zautan niri:
(Zoin bihotz-erdiragarri!)
«Hire aberastasunarentzat
Ez dun aski... maite hori!»
Espos-arazi nahi ninduzten
Markis baten semeari!
4
Othoiztu dut aita jauna:
(Alferretan egin lana!)
Ene aberastasunarentzat
Dela ni maite nauena!
Santa sekulan ez dut hartuko
maite ez dudan laguna!
5
Geroztik nago penetan,
Etzana ohe batetan
Ba medikuak ekartzen dauztet,
bainan denak debaldetan,
Ustez ni sendaraziko nauten
barber gazte horietan...
6
Ni sendatzeko barbera
Da nere maite bakarra.
Aita-ameri galde eginik
Utz nezaten ikustera,
Atsegin hori ez egin nahiz,
uzten naute finitzera.