Pilotarien kantua

 1

 Eskual-herri denetan

 Pilota punpa bedi plazetan!

 Begia bethi argi eta hatsa hazkar

 Eskualdunak oro iratzar!

 Gogoa dena sutan, bainan ez hasarre,

 Gauden plazetako errege!

 2

 Athor-galtza churitan,

 Zoin polit plekaria orotan!

 Andreak beha daude hartaz ezin asez,

 Hain zaiote laket, ederrez!

 Gizonak haren lana dutela segitzen

 Hartarik baitute laudatzen.

 3

 Eguerditan Anjelus

 Ezkilak elizatik dangatuz,

 Pilota gelditzen da Ama Birjinari

 Agur bat beharrez ekharri...

 Arbaso hilen boza behar dugu entzun;

 «Pilota atchik othoi eskualdun!»