"Petche"-en programa

 1

 Ni niz Petxe famatua,

 Deputatu nahitua:

 Eginez dudan fortuna,

 Frogatu dut zoin den fina

 Ene sudur kakoduna!

 Frantzia gaixoa, huna!

 Ni naiz prenda hoberena!

 2

 Botoin urhea lepotik,

 Urhe-xena gerrikotik,

 Bisaia legun-leguna,

 Kriketen modan emana,

 Ausarkian usain ona,

 Karrosa sei zaldiduna,

 Nor daike ni bezain jauna?

 3

 Ni behar nute hautatu

 Eta eman deputatu;

 Ene lana, lan errexa:

 Bota deneri promesa;

 Bertzek eginak mesprexa;

 Ahulak mehatxuz bortxa;

 Sosa erain, bozak altxa!

 4

 Orai arte kargudunak

 Munduko zozo trixtenak:

 Heiekin bethi euria

 Edo idorte gorria!

 Nik, izartuz iguzkia,

 Hitz dautzuet emaitia

 Behar den aro garbia!

 5

 Bertzek zergak eman tuzte

 Beren onetan nik uste:

 Nik kenduko ditut denak,

 Dorpeak eta arinak...

 Emendatuko dohainak,

 Gobernamenduarenak,

 Aberastuz behardunk!

 6

 Ithurriek egun arte

 Ur hotxa eman daukute

 Komedia dadin fini,

 Bota boza Petxe huni!

 Pasatzen balin banaiz ni,

 Ithurriek arno gorri

 Beharko dute eskaini!

 7

 Horra hor ene pro grama,

 Bertsu argitan emana:

 Ez bazaizte kontent nitaz,

 Orhoit ene askaziaz,

 Gure osaba Batitaz,

 Edo, beharrez, bertzenaz

 Prefetaren larderiaz!

 8

 Ez baledi borondatez,

 Egin bedi karitatez;

 Boz-emaileak, denak bat,

 Jar zaizte ene alderat;

 Ez baduzue enetzat

 Egiten orok indar bat,

 Zazte antzar ferratzerat!