Pello Joxepe
1
Pello Joxepe tabernan dala
aurra jayo da Larraulen,
etxera juan da esan omendu:
-Ez da neria izanen
ama orrek topa dezala
aurrarik aita zein duben.
2
-¡Au pena ta pesadumbria !
senarrak aurra ukatu,
aurra onentzat beste jaberik
ezin liteke topatu;
Pello Joxepe, biotz neria,
aurra orrek aita zu zaitu.
3
Fortunatua nitzala baño
ni naiz fortuna gabia,
agure batek eraman ditut
umia eta andria;
aurra beria bazuben ore
andria nuben neria.
4
Joxe Agustin, nere biyotza,
aren aditu nazazu,
beti orrela egonda ere
neke aundiya daukazu;
askoz obeto izango zera
arren ezkondu biezu.
5
Pello Joxepe, nere biyotza,
zor dizut milla graziya,
siraskatikan etortzen alda
dontzellatasun guziya?
nik igualian nayago nuke
amak maitetxo aziya.
6
Bonapartian serbitzen dauzkat
iru anayak Londres'en
ayen sonido zazpi leguan
gobernadore banitzen;
dontzellatasuna zertarako dan
nonbait etzaizu aditzen.
7
Nere etxian bi ollo dira
batek daduka kiyua,
ollarrak berriz kukurruka
kantora gora dijua;
jaunak orra despedida ta
asko da dibersiyua.