Oztibarre bat
Oztibartarra
1
Nik ere hemen nuen mahaina egun baitut partekatzen
Hemengo lagun guziak ditut bihotz barnetik agurtzen
Ez dakit xuxen nihaurek ere orai zer zaitan gertatzen
Bertsu batzuen emaiteraino hemen bainaiz ausartatzen.
2
Oztibarre bat egina dago egun besta eder huntan
Egia hori pentsatu benar edozoinek gure baitan
Gyre apezek ere laguntzen baigaituzte azkar nortan
Goresgarriak hoien urratsak Oztibarreko lurretan.
3
Ez da beharba urrun helduko Oztibarrek duen fama
Salbu guretzat toki hori da munduan den hoberena
Maitatzen dugu zeren delakotz arbasoen ganik dena
Bizi denboran hor jasan dute beren doi lan eta pena.
4
Zortzi haurride gu familian, ez guziak berdin haundi
Larzabale hau da larriena, ttipiena Arhantsusi
Saine ez uste izan daikela haundiena beti nausi
Ez baitugu, ez ahanzten ahal presidenta nun zen jautsi.
5
Herri horien denen aipatzen nasiko naiz gain-behera
Nahi baitugu denak ikusi. joan behar dugu bortura
Heltzen bazira egun batean Beltxu mendiko kaskora
Oztibarreren edertasuna zeri ditake konpara?
6
Hozta herria xoko-xokoan da denetarik gorena
Mendi ta oihan, oi, zoin ederrak, berekilan derauzkana
Ahantzi gabe iturriño bat orotako azkarrena
Haren medioz baitugu denek etxetara ur bat ona.
7
Donaixti eta ere Ibarre hor poxi bat beherago
Karakotxea, etxe saindua, xinpleki hortxe baitago
Laguntzailea Mixel dugula ez girea azkarrago
Horri otoitzez jiteko luzaz izan dezagula gogo.
8
Bunuze herri pollita dela nehorek ez du dudatzen
Oztibarreko gazte ainitzak hor nola diren zalutzen
Goxotasuna, alegrantzia Bunuzen dira dantzatzen
Erakusleek gure eskerrak dituztela merezitzen.
9
Oztibartarrek huna nun tuzten beren antzerkilariak
Talde errera paregabea dauku fornitzen Ibarlak
Desirez gaude ondotik ere segi dezan hoien sailak
Artetik hiltzen dituztelarik dotzenaka basurdiak.
10
Oztibarreko herri nausia hune nun den Larzabale
Berekin dauzka ere Zibitze, Arroze ta Ultziate
Medikia ta farmazia bat, orai biak badituzte
Ahalaz hoiez behartu gabe hotel hoitarat zoazte.
11
Haranbeltze ta Azme auzoak Izurarekin lotiak
Hor gaindi lehen milaka ziren pasatzen Aran jendiak
Denbor hartako beilatiarrek zuzten merezimendiak
Gaineret hemen horiekilan ez omen ginen eztiak.
12
Amikuze ta Zibero juntan hor baitago Arhantsusi
Xokoño hortan bizi denari etzaio segur itsusi
Frantses guziek horren izena behin baitzuten ikasi
Ez ahal dute heiek agian ondotik berriz ahantzi.
13
Heurride hoitan zortzigarrena bainuen neure herria
Bazter orotan du hunek ere fama bat izigarria
Egun batean balinbaduzu senditzen maingueria
Dudarik gabe egin dezazu Jutsirako inguria.
14
Familia bat miresgarria denek batean egiten
Gure arbasok gaituzteiarik zeru gainetik ikusten
Gure marrera ikusi-eta daude elgarri erraiten
Gutaraino jin artean dituk anai bezala bizitzen.
15
Arbasoekin batugu oral egun on hunen patroina
Pentsamendu hau zuretzat dugu gure Elizondo jauna
Zure nahia izana baitzen Oztibarreren eguna
Hunekin egon dadila bero gu guzien batasuna
16
Huntan daytzuet bururatuko galdeginez barkamendu
Helduden urte artino berriz, Jainko Jaunak nahi badu
Hemendik harat beharko dugu xede xahar hau apaindu
Ontsa bizi ta ahal bezenbat bakotxak elgar lagundu.