Euskaltzaindia Oztibarren
Oztibartarra
1
Hemeretzi ehun ta laur hogoi ta bian,
Pazko iragan eta ondoko astian,
Baginuen moimendu Donaixti herrian,
Euskalzaindia baitzen hor gure artian.
2
Zerk ekarri dituen oi gure xokoret,
Jakintsun handi hoiek gu denen arterat:
Nahi izan baitute jin Oztibarrerat
Gure lehengo apez baten goresterat.
3
Orai bi mende xuxen Lopez baitzen deitzen
Erretor izan dena orduan Ibarren,
Ez zen urrunekoa, Jutsitar seme zen,
Here lana kartsuki eiten Oztibarren.
4
Fedezko liburu bat zuen izkribatu
Zoinekin arbasoak baitira argitu
D'Abens'apezak ere du hortan lagundu
Hau bikari jeneral zen Jutsin gertatu.
5
Estakurua ona baitzen guretako
Euskalzain horietaz zerbaitikasteko,
Beti iduri hantxet zirela urrunxko
Ez ginuen pentsatzen zirela hunako.
6
Euskal Akademia zoin zaikun ederra,
Euskararen zaintzeko horrek du indarra,
Jakintsun talde hori ez baita alferra, .
Errespetuz beterik diogu agurra.
7
Oztibarre maitea dute ohoratu,
Agian berak ere ditazke gustatu.
Orai nahi ditugu erremestiatu,
Eta hoiek bezala Euskara lagundu.