Larriya
Otaño, P.M.
Uxo ego txuriya,
jatxiya zerutik,
izate guziya
emango det zugatik.
...................
Entzun nazazu arren,
aingeru kutuna,
nai dizun biyotzak
gaur esaten dizuna.
...................
Adoratutzen zaitut
ume zoragarriya,
belauniko zugatik
emen nago jarriya.
..................
Atoz munduko illunkentzalle,
izar argiya;
atoz kentzera maitea,
nik daukadan larriya.
.....................
Zerutikan mundura
jatxi zerade egan
ta gloriyaren puxka bat
nola zerori ala zeran
(¡nik ez dakit au zer dan!)
txoratzen naiz zure aurrean...
Urrikaldua zaitea
ta barkatu, maitea,
nik zurengandik aldegitea.
..........................
Illko naiz miñez
zu gabe, ederra;
atozkit opera...
Ez, ez...
Joan zaite meserez...
.....................
Agur laztana,
bai, betiko agur,
deitutzen dit Jaunak
Jaunak
bere ondoren gaur.
Jaungoikuak nai du
ni ara joatia
¡maitia!
Egiñ bedi bada Jaunaren
borondatia.
|