inprimatu
Batasuna
Izenburua:
Batasuna
Sinadura:
Otaño, Pedro Maria (Katarro, Pello Maria)
Urkizaren iruzkina:
Egilea(k):
Otaño, Pedro Maria

Argitalpena:
Bertsolaria.
Urtea:
1932
Argitalpenaren urtea:
1
Alea:
32.zk.
Orrialdea:
199

 

 

 

 

faksimilea ikusteko


Batasuna

 

Otaño, Pedro Maria

 

 1

 

 Jakin nayian zein dan munduko

 Izkuntzarikan zarrena,

 Au da jakintsu askok zentzuba

 Nekaturik dakarrena;

 Len azaletik ibiltzen ziran,

 badatoz sartzen barrena

 Ta gaur geyenak aitortzen dute,

 Euskera zala aurrena.

 

 2

 

 Geroztik sortu ta indarturik

 ¡Zenbat izkuntza ez da ill,

 Gelditurikan lurperaturik

 Betiko mutu ta ixill!

 Euskera galtzen sayatu arren

 Asko berritxu ta zirzill,

 Indar berriyak artzen ari da,

 Gazte bat bezela dabill.

 

 3

 

 Mundu guztiyan arkitzen diran

 Jakintsurik aundiyenak,

 Ta batez ere, orain Londres'en

 Eta Berlin'en daudenak,

 Eman dituzte Euskeragatik

 Albisterikan onenak;

 Burlatzen duten ergelak dira

 Ezagutzen ez dutenak.

 

 4

 

 Bañan, aldebat utzi ditzagun

 Ezjakiñen txarkeriyak,

 Ta euskaldunak izan gaitezen

 Prestubak eta aundiyak.

 ¿Zer egingo du maisu zitalak

 Agintzen duten erriyak?

 Illuntasunak kenduko ditu

 Datorren egun berriyak.

 

 5

 

 Bidasoaren bi aldeetatik

 Anayak deika elkarri,

 Ari dirala, jakindu degu

 Bilduko dira sarri;

 Lengo oitura onak ostera

 Nai lituzteke ezarri,

 Ta «batasuuak» bakar-bakarrik

 Litzake oyek ekarri.

 

 6

 

 Gure Euskal-lur eder maitean

 Bizin diraden anayak,

 Elkarganatu ditu odolak

 Ta «denak bat» izan nayak;

 Buenos-Aires'en bildubak daude

 Euskera indartzeko gayak;

 Poztu gaitezen. ¡O, euskaldunak!

 Badatoz egun alayak.

 

 7

 

 «Denak bat» egin eta sayatu

 Gaitezen alegiñian,

 Gure izkuntza eta oiturak

 Ipintzen beren oñian:

 Guztiok egiñ gentzake zerbait,

 Baitzak aldun añian

 Jaungoikua ta Euskera jartzen

 Gauza guztiyen gañian.

 

 8

 

 Batek egiñ nai luken guztiya

 Ez dauka aukeran eta

 Borondatia badaukat baño,

 Asko eznazake eman:

 Liburutxo bat izkribatu det...

 Gipuzkoa'ko izan,

 Zuek esango dezute, ondo

 Edo gaizki egin deran;

 Irakurliak, barka zazute,

 Esbadago txit naieran,

 Eta lagundu dezagun alkar

 Ia indartutzen geran.

 


inprimatu