Lau poema

Otamendi, Jose Luis

 Dakizun ilargia gaupasa egina lagun

 urte oneko ordu

 gerta

 datorkizun

 nakion baldintzapeko askatasuna gauean

 garaipen urrikalgarri

 bilaka

 udazkenerat niragan

 oroit

 gihar-eztanden erlatsa

 LP gogaitu hau

 bularrean ibili ezinnik

 bil

 jausien indar zaldia

 ortzeak kilkir goria dakarzu

 zure amantalperantz

 betizzu

 ***

 Ikasteko nago oraindik zure desiotan

 gaua iragazten

 eta ehun poema eskainiagatik

 biharko egunak harrapatuko nau

 nik uste

 etsipenarekin topo eginez

 eztarri zuloan gora datorkit

 tristezia betez sagu bat

 herri honetako azken bolondres

 etxekoandre ohien odolbatu beltzak

 urratzen

 kaskillo huts batzu bihotzak gorde

 hogeitaka urtetan ukituko zaitut

 suabe

 nola ekia hilek

 mozkorren begiak ardotan

 loteria zenbaki higatuak

 sarigabe

 aizu

 pozik zaudenean salatzen zaituzte hodeiek

 plazatik honuntza berriro besarkatzen benauzu

 hobe

 ***

 Bucaresteko aireportuan soldaduak higatzen ilun

 poema hilak plater beltzak dira gosea ase ezin duten marinelengan

 goaz

 goaz nora ez dakigula ere goaz

 gehienez hil eginen gara

 begi zuringotan karizia hotzak

 labana gogo zorrotza

 poeta gazte anitzek Dylan dik gaur desio

 galburu erreei kantatzen ta puta segailei

 kale zokoetan iazko udazkena txatxarrar janda dago

 ta hire bihotza or-sagarra ardi amorratuei bota

 erloju matxuratua irudituko du gauak

 egiok beldurrari koska

 ukitu gabeko sexuez behar nauk damu

 aingeru eroriekin bat egin

 hire uzkitik "neguko jauregia" sartu

 hire tristezira tropa guztiekin iritsi

 ta borroka irabazteko

 hilotzek zerraldotan eguzkia hartzen diate

 ***

 PASAIA 1.984

 (Kurro, Pelitxo, Txapas, Pelu)

 Bagenekien aspaldi

 muinoak hodeiez maitemin zitezkeena distantziekin jolasean

 begi klispatze bat

 logikarik ez elkar kolpatu soak

 gazte gorputz gurenak lurrera doaz saihetsetan izar hotzak

 harkaitzei buruz boga

 odol tolareak

 badakigu

 oroitzak fardelean gauero ematen gaua

 batzutan lo

 esna

 hainbatetan hilik edo

 bide aski luzerik ez dena esperantzaraino malkoak iztapetik behera

 bizkor datozela enarak

 begizuloetan kabi egitera

 beldurraren kantoietan

 plazerrez ere hiltzen da urdea

 jakinen dugu aurki

 zohargia

 inor salatzeko herabe dea

 hilotz beti egin berritan

 zelan estrenatu zen udaberria

 biharamuna eraman ezin

 "policia asesina

 asesina

 asesina"

 zergatik zegien poto mareak