Soldado baten gogoetak
Ondicol, R.
1
Lau ilabethe huntan ez baitut bertsu bat ere emanik,
Gaur berriz ere hastera noa, dudaturikan egonik.
Bizkitartean maiz orhoitzen naiz Eskual-herriaz hemendik,
Bainan halere hor behar egon, ez diot egin bertzerik.
2
Boltaño huntan soldado nuzu, orai hartu dut kuraia,
Suldedogoan zer pasatzen den hartua baitut usaia;
Salbu burutik ez diot kita hor izaiteko ideia,
Bainan guziek, nahi ala ez, in behar gure pasaia.
3
Soldadogoan ukaiten diren egun eder gozoenak;
Bichtan dena da denentzat berdin permisione egunak.
Bisitatzeko beren herria eta han utzi lagunak,
Permisionez denari fite pasatzen zaizko orenak.
4
Pasatzen, dira egun ederrak, bainan zarra da nagusi.
Izan ez denak ez du hemengo galbariorik ikusi.
Hor eman, lanak behar baitira nahi ala ez ikasi;
Soldadogoa zer chanatilun den etzaut ertea itsusi.
5
Aitzindariak bethi mokoka ela soldadoa umil,
Ez baititake horiek bezen fanfarrunkerian ibil;
Ahalaz bethi behar da egon kontra egin gabe ichil,
Bertzenaz nehor ez laitekezu jaun haundi horier urbil.
6
Beharrik ontsa pagatua da soldado dagon gaztea.
Jun-edan onak, ohe ederra, eta badauka bestia.
Mila libera ukaitet dugu bete-ta ilabethea,
Ez niz harritzen «rampilatuek» eginik ere dotea!
7
Beraz ikusteu duzue nola idabazten dugun ontsa.
Hori erten dut hunat jiteko ez dadien nehor lotsa,
salbu pasatu nahi duenak zerbitzu denbora aisa,
Hunatekoan orhoit hargatik etchen ahanztetik moltsa.
8
Obligatua naiz finitzerat, ontsa penarekin alta!
Borondatea banuen, bainan astia deraukat falta.
Beraz ikasi duzue zer den gaizo soldadoen besta!
salbu ni orai kontentago niz, killa etorriko baita.