Mariņela
Olhondo, Betiri
1
Bizkar batean,
Haritzen pean,
Ene etxea leku ederrean,
Airezko jauregian nago:
Zenbat ote du ate ta leiho?
Bai eta zilo?
Zenbat arteka ? Zirrita franko!!
Aire-eskasez ez naiz itoko.
2
Badut osasun
Eta ontasun:
Atun itsasoan, airean lertsun;
Donibanetik Amerikara
Ene landak alde orotara
Hedatzen dira
Bihi dudano badut ihara;
Sekulan ez zait faltatzen ura
3
Promenatako,
Plazer hartzeko,
Untzi bat dago ene zerbitzuko;
Norena den eta norat dohan,
Ez naiz sartzen xehetasun hortan,
Kontu hoietan:
Ez naiz galtzen astelegunetan
Ez eta ere besta denetan.
4
Hil leihorrean
Ala urean,
Deus ez du erran nahi azkenean,
Dudalarik arima bakean.
Ehortz arrain baten sabelean,
Ez dut axola!
Mariņel ona kontent da hola!
Egarri bainaiz, hunat botoila!
