|
Gure lagun artean
Olea, Inocencio
-1-
Gure lagun artean
pasatu dan gauza
zelebre samarra da
artu diot traza
jale ona izanik
euskaldun arraza
diruzaletasunak
eraman du baza.
-2-
Arkuma jan bear da
esaten genduan
broma bat pasatuaz
alkarren onduan
baņa gertatu gera
eziņ ordainduan
nunbait gusto danak ez
komeni munduan.
-3-
Zortzi lagun prestatu
arkuma jateko
ez aldira naikoa
alkar berotzeko
bat gertatu zan bildots
onbat ekartzeko
ta beste bat labean
bera erretzeko.
-4-
Moldatuko giņala
ala nuan uste
kontuak ateratzen
asi giņan arte
baņa nola txanponak
ditugun txit maite
ez gera konpondu ta
geuretzako kalte.
-5-
Batek agindu zuan
ogei durokua
beste bat azaldu zan
aren antzekua
beste laurak zioten
etzala naikoa
orra sortu zuzendu
ezintzan kakua.
-6-
Au ere tratatu zan
lagun arte ortan
bertsotan egitea
apalondo bertan
baņa gelditu gera
modu trixte ontan
arkuma jan eziņik
diruaren faltan.
-7-
Arras kukitu gaitu
oraingoan lotsak
eta gelditu gera
ixil eta otzak
ara noraņo juan
diran gure otsak
begiak luze baņan
patrikarak motzak.
-8-
Gure arkume gose
au etzan eskasa
baņa ezin liteke
ase berekasa
oraingo txanda ere
nola zaigun pasa
arkumak badu puxka
bateko arnasa.
-9-
Sabela betetzeko
danok geunden gertu
jaten asi baņo len
ordea aspertu
koziņerua ere
erabat alpertu.
gure ametsa jaio
orduko da lertu.
-10-
Jateko zortzi eta
ordaindutzeko lau
berdintasun desberdiņ
txarra ez altzan au
arkume gose orrek
oraindik badirau
onela berriz ere
egin bear barau.
-11-
Indarra badu ere
moxorrokeriak
asko gutxiago ez
noski zurkeriak
danok umilldu bazik
eziņ ateriak
gero bertsotan jarri
bear komeriak.
-12-
Au nun pasa dan iņork
galdetutakuan
jakingo du Oleak
erantzundakuan
aitortuaz arrazoi
bete-betekuan
zurkeriak zakua
autsi zun lekuan.
|
