Aita Santuak ikusirikan
Olea, Inozenzio
-1-
Aita Santuak ikusirikan
errien arteko drixka,
gizadiari dei maitakor ta
estuak egiten dizka.
Atzai on orri biotz animak
ainbat minberatu zaizka,
mami gozozko enziklikarik
zuzentzen digu aldizka,
azkenekoan ere etzaigu
mintzatu noski erdizka.
-2-
Argi ta garbi egiten digu
munduaren agerpena,
leku askotan nagusiturik
dagola atzerapena.
Gizonetatik aldendu nairik
ainbat mixeri ta pena;
estu eskatzen digu pizteko
ERRIEN AURRERAPENA.
Aita Santuak ontan jartzen du
geroko itxaropena.
-3-
Azpiraturik dagon erriak
al du ezertan federik
ondasun danak bestek badauzka
bere aldetik gorderik?
Eztu ikusko zalapartaren
indarra beste biderik,
gizon artean ezpada ere
iņoiz faltako alderik,
eztago emen bearkizunik
gabeko eskubiderik.
-4-
Mundu au gizon guzientzako
jaunak egiņa izanik,
ez uste izan daukagun dana
gurea bakarrik danik;
eman zizkigun agindu aiek
modan pasatu diranik,
Zuzentasuna banatu lana
bear dunari emanik
jaiotakoei ukatu gabe
bizi izateko janik.
-5-
Besteren gaitzak iņori ere
eztigu ematen miņik,
okerrago da ez berriz entzun
nai beartsuen zotiņik.
Zorionaren ondoren danok
ero batzuek eziņik;
baņa biotzak iņola ezin
beregandu atsegiņik
indar guziak galdu ezkero
alkar zapaudu eziņik.
-6-
Irutatik bi goseak daude
gaxoak edo makiak,,
bakar batzuen esku munduko
ondasun eta jakiak;
kezkarik gabe artuaz beren
aldeko erabakiak,
auentzat ezta arrazoirikan
baizik danak aitzakiak,
orrelakorik eztu galduko
projimoaren plakiak.
-7-
Danok nai degu ezinbizia
gure ondotik aldendu,
bear dan gisan eta egoki
familitxo bat sostendu,
eskubiderik indar geiagoz
ez dezaigutela kendu;
geiago jakin, geiago izan,
aurreratu albagendu,
baņa zenbaiten buruan ori
bear dala nork sartzen du?
-8-
Guk oraiņ ere uste osoa
atsegiņetan jarria,
naiz ta orretxok sarri ekarri
izan mundura arria.
Jaungoikoaren abotsa gerta
ez dediņ beldurgarria,
entzun arretaz Aita Santuak
egindako dei larria,
gure buruak geuk ondatzea
litzake penagarria.
-9-
Zoritxarrean au da askotan
gogoratzen etzaiguna,
jesukristoren ordezkaria
dala itz egin diguna;
guri zer egiņ erakusteko
lurrean jarri ziguna,
uts egiteko arrixku gabe
agindu dezakiguna,
Or Espiritu Santu beraren
egada-xuxmur biguna.
-10-
Etzaigu esan degun guzia
besteei banatutzeko,
baizik gaņezka daukagunakiņ
bizibideak sortzeko;
ondasunik ez dutenak gure
lujoz ez minberatzeko,
diru indarrez arrotu eta
gerekoi ez biurtzeko,
oraindik garai degula eta
pake santua jartzeko.
-11-
Gizadiaren alde zuzendu
ditzagun gure ekintzak,
Erromatikan banatu dira
bakoitzarentzat langintzak.
Ogiak berak ainbat mesede
egin dezake jakintzak,
aldaneraņo bete ezkero
guk errukizko egintzak,
mundu legor au gozatuko du
goimaitasunezko intzak.
-12-
Egi egizko goimaitasunez
osaturikan dagonak,
maiteko ditu bere burua
bezela beste gizonak;
asmatuko du mundu gaxoak
zer ditun sendagai onak,
kupirik gabe ezarri ere
berari dagozkionak,
or sartzen dira enziklikaren
egi mardul ta sakonak.
