Zu jaio zinanetik

Uztapide, Manuel

 Zu jaio zinanetik / gaurdaino bitarte,

 badira berrogeita / hamaika bat urte;

 bertsotan nahiz ez izan / zuk hainbeste arte,

 omenaldi honetan / hartu nahi nun parte,

 zorionak bihotzez / Manuel Lasarte.

 Jakinik nungua dan / zure jatorria,

 pozik egon liteke / Leitzako herria;

 Plazaola errekan / FRANKI baserria,

 han ikusi zenduan / lenbizi argia,

 horregatikan zera / euskaldun garbia.

 FRANKIn hazia zinan / urte batzuetan,

 lehenbiziko aldian / ama'n besuetan;

 gero mutiko danak / lagun hauzuetan,

 xori kantu politak / hango basuetan,

 haiekin nahasi hasi / zinan bertsuetan.

 Gero Ajara etorri / zure sendi dana,

 anai-arrebak eta / aita eta ama;

 berehala entzun zan / bertsolari fama,

 jaietan bertsuetan / eta astian lana;

 nunahi bizitzen baita / saiatutzen dana.

 Nola ibiltzen ginan / ia atzenduan,

 aspaldin lozorruak / hartuta nenguan;

 hamaika ume eder / udaro genduan

 pake eder askuak / alkarren onduan,

 jaunak luzaro bizi / zaitzala munduan.