Ama batek seaskan daukan semetxoari esango liokeana

Uztapide

 Une onetan au zoramena

 seaskan det semetxoa

 Esnatu gabe zeramakian

 eguardi arte osoa

 Aldamenean bere zai nengon

 ura zan loa gozoa

 Orain begiak zabaldu ditu

 dirudiela usoa

 Zerbait esan nai ta eziñ esan

 neri begira gaixoa

 Ateratzia nai du lorabait

 luzaturikan besoa

 Arratsaldian juango gera

 Josetxongana auzoa

 gero txorien kabien billa

 etxetik goiko basoa

 Txikia zera oraindik baño

 entzun zaidazu bersoa

 Zarzarorako zure bear naiz

 izan zaitez zintzoa