Urte-giroak
Oianeder
UDASTE
Maitatzen zaitut,
Udaste
Dana loretan usai
Gozodun,
Zurekin duzu beti
Osasun.
Pizkortzen duzu txiro
Gaxoa...
Orretxegatik
Txit alai daukat
Gogoa!
UDARA
Maitatzen zaitut.
Udara.
Zuk urtuzen dituzu
Elurrak,
Ta gozatu zelai-lur
Zimurrak.
Landatik aldendu da
Izotza...
Orretxegatik
Poz-pozik daukat
Biotza!
UDAZKEN
Ez zaitut maite,
Udazken.
Goibel, illun ta beltza
Zera zu.
Barren guzia ituntzen
Didazu.
Nik zuri istua bota
Baņo len...
Nere ondotik
Urrundu zaite
Lenbaitlen!
NEGUA
Ez zaitut maite,
Negua:
Gaiztoa ta zitala
Zera zu.
Odol beroa izozten
Didazu.
Zuri, poilita, duzu
Elurra...
Oi! baņan... neri
Ematen didan
Beldurra!!
|