Iturriko bidean
Oianeder
Nora ua, Garbiņe,
nora ua ain lasterka?
"Iturri Berri"-n
ur otz-otza besterik ez dun.
Gau beltza gaņera
etorri baņo len...
itzuli adi
ire basetxe maitera,
itzuli adi len-bait-len.
Egun oetan
ez diņat ikusi
iturri ondoan,
len ikusten nuen
mutil bikaņa.
Beratzaz
galdetu niņan auzoan,
eta ez niņan jakin
nik nai nuen aņa.
Itun da naigabez
erantzun zidaten:
"Mutil ain erne,
ain azkarren berririk
ez dugu aspaldian".
Beste emakume
kaskarin bat ere
aspaldian ez diņat ikusi
iturri ondoan,
sulla uraz bete...ta irauli...
lotsagabekeriz,
karraxi ta algaraz...
irri ta par lasai egiņaz.
"Iturri-Berri"-ra
joan nai al den
ain lasterka?
Joan nai ba'den
joan adi...
-neskatil gaxoa!...-
baņan itzultzen aizenean
bakar-bakarrik, ire etxera...
Oi! garai artan...garai artan...
izango ditun maite-min eta
negar- marraskak!!!
|