Otzaiztar baten agurra

 1

 Agur, agur Ortzaize

 Haur, gizon eta emazte

 Denak berdin ditut nik maite

 Zahartu gira xantzak emanik,

 Beti ezin egon gazte

 Beti xuxen behar ginuke

 Gaixtakeriak aparte

 Xuxentasuna liberte.

 2

 Ortzaizeko herria

 Hain da xarmegarria

 Zabal eta ordokia

 Bi aldetarik mendia hurbil,

 Arbolaz inguratia

 Ni ere hor naiz sortia

 Bater'ez eskolatia

 Hortik bainago guardia.

 3

 Hortza bai-eta Gahardu

 Berze zelaiak batugu

 Iberri-Uhartzane hor dugu

 Iroxeta, Ahize ere

 Gero petik gora dugu

 Mendian aldiz etxeak

 Bekan eta bazter tugu

 Guazen denak eskuz esku.

 4

 Arrosa hor auzo herri

 Herria da xarmegarri

 Izan gira frango aldi

 Bestetan ere joaiten ginen,

 Jiten zenean besta barri

 Horko jenden graziari

 Biltzen ginuen gau-erdi

 Eguna joaiten goizegi.

 5

 Irisarri-re juntetan...

 Izan gira ainitzetan

 Horrara merkatuetan

 Berankor batzu hor biltzen ginen

 Elgarretat atsaldetan

 Sartzen ostatu hoietan

 Kantu eta pertsuetan

 Artzen ginen lorietan.

 6

 Irisarriko jendeak

 Dira paregabekoak

 Berdin ostatutakoak

 Orduko gure lagunak dira

 Oraikotz bakanduxeak

 Gu hementxe geldituak,

 Gure egun laburtuak

 Izart ditzala Jainkoak.

 7

 Zahartuak ikusten tu,

 Gazteak gibeletik heldu

 Denek akort behar dugu

 Frantzia huntan bizi gizener

 Bakeak irauten dauku

 Agian luzaz iraunen du

 Aitzindariak hor tugu

 Xaban-Delmas ta Pompidou.