Oroitztxoak
1
Lenago anbat aintzat artzen ez
ginduzen gauza guziyak,
ainbesteraño edertzen ditu
oraiñ, eziñ ikusiyak;
Euskal-erriko mendi ta zelai,
ibai, arkaitz ta sasiyak,
beñere eziñ aztu litzake,
ayen tartian aziyak.
2
Urruti zaude eta zala da
ni zugana irixtia:
onenbeste nai dizun batentzat
¡zer bizimodu tristia!
alibiyo bat bakarra daukat;
ametsetan sinistia;
Zu ikusteko noiznai asko det
nere begiyak ixtia.
3
Sasi tarteko lore eder bat
bezela dago Euskera,
eztakit nola oituratu zen
geran txokuan uztera;
esku on batek beiñ aterako
baluke erakustera,
ez det bildurrik lurperatuko
litzakianik ostera.