Oragarreko herri...
1
Bildu nahi delarik behar da landatu
Eta uzta jitean zorion kantatu...
Bertso berriak ditut hemen izendatu
Herriaren omena dadin emendatu...
2
Aspaldian, altxatu ziguten elizan
Etzen horrenbesteko jenderikan izan;
Emazteak hor zauden egun handi gisan
Bai etare gizonak zerbaiten peskizan...
3
Oragarreko herri eder ta zaharra,
Ez dut erran dela, ez sortzeko aharra
Hemen ere baitago menditan naharra,
Eder konduz munduan benetan bakarra!
4
On egin bai zezaken plazara bisitak
Entzuteko elizak sortu kalapitak
Hormak kasik lurrean, galduak petitak
Jainkoaren etxeak etziren politak...
5
Egun batez egia bera onharturik
Arhanxet erretorrak buruan sarturik
Eliza berritzea, arnesak harturik
Lanean hasi ginen denak elkarturik...
6
untatu ziren fite zazpien ahalak
Teila berriak, argi harrien azalak...
Ikusi genituen arraio zabalak
Holako distirarik ez du Katedralak!
7
Agorrilako ziren lanak bururatu,
Laster joanak gatik nehor ez penatu;
Azkenean behar zen atzoa urratu
Eta eliz berria ontsa estrenatu...
8
Baionatik zitzaikun jin apezpikua;
Elizan gero eman zuen bendikua
Guzieri erranez gaitzen medikua
Zela zeruan dagon bakezko Jinkua!
9
Mezatik landa plazan denen bildugarri
izan zen edari ta janari ugari,
Alkola nehorentzat etzen galdugarri.
Denborarengatikan eskerrak udari...
10
Eliza berriturik eta gu fededun
Ez gaiten bilakatu urguluaz Hun,
Zeren eliz ederrak 'kuste dira egun
Herriko-guzietan bi miletan ehun...
11
Mila bederatziko lautanoi urtean
Agorrilak hogoita hameka artean
Bertso hok eman dira Uhane partean;
Bertsolari triste bat zuten arartean...
12
Zeruetan Jinkorik nehoiaz balitza
Nahi nuke emaiten balit neri hitza:
Herriari hartuak herriak bar bitza
Dezadan Oragarre betiko zerbitza!