Jesukristo'ren pasio santuaren bertsuak
Alzo, Imaz
1
Zeruko Aita argi zadazu
nere entedimentua,
esplikatzeko Semea pasa
zuan Pasio Santua;
zeņen gaistoa dan pekatua,
ateratzeko kontua,
obraren bistan Kristogan artu
dediņ errukimentua.
2
Guraso zarren jatorriz degu
pekatu orijinala,
arekiņ geuden Zeruetara
bat sartuko egiņala;
Jesus maiteak ori logratzen
egiņ digu egiņala,
esan gentzake zorionean
guretzat jayo ziņala.
3
Adan da Ebak pekatu egiņaz
kastiguak giņituan,
mundu galdu, Zeruba itxi
artxek ekarri zituan;
konsideratu pekatuak zer
zor da galera dituan,
oraiņ ere maiz egiten duana
egongo da delituan.
4
Aita Eternoak gure bearrik
Zerurako etzuana,
agertu zuan amorioa
gizonagan bazuana;
bere semea redimitzera
biraldu zuban gugana,
gutxi kostata mundu ontatik
ezta atzera joana.
5
Pekatuaren zorra pagatzen
zer kosta zayon Jesusi,
Pasio ontan begiratuaz
bear diogu ikusi;
tormentu kruel ta eriotzaz
ditu animak erosi
aurrerakuan zer moduz bizi
ere zigun erakutsi.
6
Ostegun santu afal ondoan
Jetsemaniko baratzan,
diszipuluakiņ Jesus Aitari
erregututzen asi zan;
bera ill gabe jende umanua
ia salbatzen ote zan,
Ezetz esan zion eta bildurrez
auspez jarri zan tristezan.
7
Jainkotasunez Jesus fuerte zan
flako gizon alderdia,
ill grabe Aitak etzion egiņ
bere miserikordia;
presente zeukan len da geroko
jendearen pikardia,
larritasunez asi zitzayon
odolezko izerdia.
8
Aitak Semea ofrezitu zuan
pekatuaren zorretan,
Bere bizia eman zezala
etsayen atzaparretan;
jende umanua salbalu zediņ
Jesus konforme orretan,
besteren kulpak erremeditzen
kastigu aiņ gogorretan.
9
Juduetara joanik zebillen
judas maisua saltzeko,
kompondu ziran ogeita amar
dirutan entregatzeko,
laztan falso bat emango ziola
zeiņ zan ezagututzeko,
eta indarra juan zedilla
arrapatu ta lotzeko.
10
Judas giari aurrian eta
soldadu tropa atzean,
Jetsemanira joan ziraden
ostegun santu arratzean;
Azak ederrak mingaņez eta
maleziak biotzean,
laztan falso bat an emanzion
maisua billatutzean.
11
Lotsa gabea Judas orrekiņ
ara joan zan jendea,
Jesus Nazareno oyetan zeinda
egiten zuten galdea;
Jesus umillak erantzun zien
Ni naiz ez nago gordea,
ar nazazute naibanazute
orra eman libertadea.
12
Potestadea bazeukan eta
itz oriek esatean,
soldadu danak bota zituan
lurrera derrepentean
Jangoikuaren Semea zala
adiazi naizukean,
siniste ori eziņ sartuzan
Judu gogorren artean.
13
Gero jaikitzen utzi zienda
an lotu zuten sokakiņ,
zenbat burla ta desprezio tzar
egiņ zioten nork jakiņ;
anparatzeko Diszipuluak
antxe zituan berekiņ,
baņan gelditu ziran bildurrez
segitutzeko ayekiņ.
14
Ikuskarrya zan Jesusekiņ
Jerusalengo sarrera,
sokaz lotuta eraman zuten
sazerdotien aurrera;
diszipuluen gaņian eta
dotriņan kontu artzera,
Kaifas gaiztoak galdetu zion
nun da nola ibilli zera.
15
Redentoreak errespuesta
ori aditutakoan,
nere dotriņa predikatu det
Sinagogan ta Temploan,
gordeta ez naiz isilik egon
itzegiņ det publikoan,
testiguak bear badira
galde dakien lekuan.
16
Errespuesta ondo emanda
Jesus alare utsegiņ,
soldadu batek jota bota zuan
mendean esta atsegiņ.
ikasi zezala Pontifiziari
berriz zer moduz itzegiņ,
sakrilego ark injuri asko
jaunari zizkion egiņ.
17
Jesusek zion utsegiņ badet
arrazoi eman girazu,
eta faltatzen ezpaldiņ badet
zertarako jotzen nazu,
umildade ta pazientziak.
Jauna aundiak dauzkatzu.
gaizkilleari nola barkatu
erakutsitzen diguzu.
18
Ikara zeukan Maisua ala
ikusita Pedro orrek,
argaltasuna dadukagunak
eriotzen txit samurrek,
diszipulua zan galdetuta
esan zituan gezurrek,
iru alditan ukatu zuan
kastiguaren bildurrek.
19
Kaifas'ek berriz galdetzen dio
egiņik juramentua:
-Esan zadazu Jesus bazera
Mesias prometitua.
Saietz eraiki eta formatu
nai ziokean delitua,
zergatik zeukan aundiagorik
iņun eziņ sufritua.
20
Jesus justuak aitortu zion:
-Ni naiz Mesias-Kaifas'i
blasfematu du erropak kentzen
bertatik zitzaizkan asi,
merezi du ta kastiga bedi
iskanbilla ta karraxi,
amorratuta zeuden zakurren
gisa zitzayozkan asi.
21
Konziliotik altxa ta joan zan
arekiņ jende guzia,
juez zegoen Pilatos eta
emateko sentenzia,
gezurti falso pikaro arri
kentzeko arren bizia,
maletxoretzat tratatzen zuten
Jesusen inozenzia.
22
Juezak zion sententzi ori
ematekotan jaun oni,
Ekaizkizute kausa justuak
zeren diraden konbeni,
kulpa gabea kastigatuta
zertan arkitzen naiz ni;
eraman zazute Erodes'engana
ez ni lazo ortan ipiņi.
23
Erodes orrek bere modura
galdiak egiņ zizkion,
nunbait konbeni etzitzayon da
erantzun nai etzion,
ixil da umill zegoanian
ezereza zerizkion,
zuriz jantzita eroa zala
atzera biraldu zion.
24
Errespuesta Kaifas'i emanda
Jesus jozuten lenago,
Erodes'ek berriz ixillik egonda
erotzat umia dago,
mendeko orrek Ąai! zenbaitekiņ
asmatutzerik eztago,
perfezioak izanagatik
egon biarra esklabo.
25
Oraindik ere segitzen dute
Erodes'en jeneroak,
begiratutzen badegu ongi
daude ixpillu klaroak,
ezpagerade bengantzarako
griņa txarrea beroak,
gaizkilleai barkatzen dienak
juzgatzen dira eroak.
26
Pilatos orri esan zioten
Juduen sazerdoteak,
geren legean segitutzeko
gaude firme ta fuerteak,
kausa dauzka ni naiz Jangoiko
ta errege esateak,
blasfematu du merizi ditu
eriotza ta azoteak.
27
Juduak zioten aroz semeak
grandezak dauzka berekin.
Jangoiko eta Errege dala
agindu naya berekin,
bizia kentzen ezpadiozu
tormentu gogorrarekin,
adiskide etzera izango
Pilatos, zu Zesarrekin.
28
Juezak Jesus eriotzatik
nai zukean libratu,
Juduen gusto ere egiņ nai
biena eziņ obratu,
igartzen zion justua zala
legean zuan erratu,
gorrotu dunak naizutena egiņ
argatik zuten logratu.
29
Pilatos orrek pensamentu bat
orduan zuan atera,
Pazko egunian irten oizuten
karzelatik bat librera,
gizon itzalle Barrabas gaisto
pikaro aundia bera,
Jesus ta biak paratu zioten
zeiņ libre egiņ aukera.
30
Ontasun utza gaistoarekiņ
Jesus zuten konparatu,
baņan gorrotoz ta enbidiez
txit aldrebes aukeratu,
ayen artian dudarik etzan
agudo errematatu
Danak deadarrez libre Barrabas
ta Jesus kruzifikatu.
31
Pilatos'ek zion kastigatzeko
gizon onek zer kulpa du,
Errege Israelko dala
esan besterik ezpadu,
juduak deadar merezi du ta
ill beza agudo nai badu,
gaņerakoan errege Zesar
gurutzean para beardu.
32
Pilatos'ekiņ Zesar da Juduak
zeuden asarretutzeko,
presidenteak au pensatu zuan
kolerak aplakatzeko
bazeakien justua zala
Jesus kastigatutzeko,
baņan alare agindu zuan
bereala azotatzeko.
33
Jerusalengo juduen juez
zori gaistoko Pilaton.
aren gustua egiteagatik
Jesusen kontra zu zatoz,
kulpa gabea kastigatzera
inbidiaz ta gorrotoz,
zer egiņ ere etzeakien
beren pikardien gaistoz.
34
Pilatos orren bere etxeko
patioaren erdian,
koluna bati lotuta para
zuten txit larru gorrian,
bost milla azote eta geiago
guziz enpeņo aundian,
Jesus umillak artu zituan,
judu gogorren mendian.
35
Aundiak asko eta gogorrak
bai Jesusen azoteak,
sei borrero an jardun zitzaizkan
ardura gabe torpeak,
bi aspertzen beste bi txandan
egiņalako golpeak,
alare eziņ eserik zeuden
juduen sazerdoteak.
36
Mami geyenak azotez kendu
ezur asko agirian,
lotsatutzen naiz esaten ere
Jesusek zer zirudian,
errekak eta putzuak zeuden
bere odol ixurian,
zeru ta lurren egille or!
an zegoan miserian.
37
Desmayatuta an erorizan
zutikan eziņ egonez,
ankaz lepoan zapaltzen zuten
San Agostinek diyonez,
burlatutzeko asko ziraden
anparatzeko iņor ez
arriak negar egiņ lezake
Jesu Kristoren dolorez.
38
Buruan berriz sartu zioten
koroa arantzazkoa,
arekiņ ere eman zioten
pena bat oņazezkoa,
mantu zatar bat soņean eta
zetro kaņaberazkoa,
Juduak ala bestiak zuten
Mesias egiyazkoa.
39
Jesus onaren penari iņork
geyegi etzerizkion,
Errege zala adoratzera
burlaz juan zitzaizkiyon
desprezio ta injuri asko
jendeak egiten zion,
sentimenturik iņori ere
erakutsitzen etzion.
40
Pilatos ori itzez bederik
asia zan errukitzen,
Jesus umilla balkoyan zeukan
juduai erakutsitzen,
gizon antz gabe maltratatuba
eztet kulparik arkitzen
kastigatzea berriz geyago
ez naiz hada atrebitzen.
41
Juduak berriz errespuesta
eman zioten atzera,
Jauna dalako kastigatzea
Pilatos bildur atzera,
animen gaiņ guk artu degu
ikaratutzen bazera,
eztigu ardura gure kontura
kondenatu gurutzera.
42
Judu gaistoak onari
kendu nai zioten bizia,
Pilatos Juezak ayengatikan
eman zuan sentenzia,
kulpa bere gaņ botatzen ziela
gaizki eragiņ azia,
berak aitortzen justua zala
ori zan injustizia.
43
Presidenteak bere burua
nai zeukan garbitu,
baņan besteren kulpa egiņ da
eziņ zan erredimitu,
juezak zeukan obligazioz
etzualako kunplitu,
beņere kendu eziņ dan mantxa
andik zitzayon gelditu.
44
Eman bazuan Ąai! eman zuan
iltzeko setentzi ori,
Jangoikoaren semea etzan
leku tzarrera erori,
ainbeste pena eztio eman
munduan iņork iņori,
esker gaiztoan, etzan ibilli
on egiten guztiori.
45
Goseak dauden otso gaiztoak
ta zakur amorratuak,
bezela zeudan Jesusengana
Judu madarikatuak,
eman ziozkaten gurutzea edo
mundu guziko pekatuak,
Kalbariora eraman zitzala
Jesus Jaun Bedeinkatuak.
46
Azotuta odol ustua,
zegoan indar juana,
Gurutze ori eman zioten
karga aundia zuana,
bera illtzeko Kalbariora
zeukan eziņ eramana,
lenengo penak atzendutzeko
au da poza zeramana.
47
Pekatuakiņ kargatua ta
Gurutze pixua izan,
asi ta sarri Salbadorea
lurrera an erori zan,
lagundu ordez joka deadarrez
martirizatzen zebiltzan,
berriz juateko oņen gaņian
ondo neketan jarri zan.
48
Amak Semea topatu zuan
modu ortan zijoala,
antzik ematen ere etzion
ura lenekoa zala,
loyez ta txistuz betea dana
ta odola zeriola,
begiratuban ezagutzen zan
zerbait esan nai ziela
49
Gurutzepean burlatzen zuten
Jesus ona publikoan,
Ama tristea leartu bear
ala ikusitakoan,
itzik etzuten mingaņez egiņ
aditzen zala kanpoan,
biotzez alkar entenditutzen
zuten biak sekretoan.
50
Semeak zion penatzen zera
nizaz zu Ama maitea,
obra onetan enpleatzen naiz
arren konsola zaitea,
espaldiņ badet kunplitzen nik
Aitaren borondatea,
posible ezta mundutik iņor
Zeruetara juatea.
51
Amak Jesusi esaten zion:
Or zabiltza borondatez,
pekatuaren zorrak pagatzen
kulpak dituztenen partez,
mundu galdua redimitzera
etorri ziņaden ustez,
jende umanoa salbatu dediņ
zuaz bada ta ill zaitez.
52
Gurutzeakiņ Jesus eziņ juan
Kalbariora asita,
allegatuko etzitzayela
juduak zeuden etzita,
Simon laguntza eman zioten
modu artan ikusita,
zeren burlatu nai zuten illtzen
Gurutze artan josita.
53
Ai! gure Jesus izarrak baņo
len ederragua zana,
txistuz, odolez, autsez ta izerdiz
astua zegoan dana,
Beronika Santa zapi batekiņ
juan zitzayon beregana,
garbitu eta artxek ipiņi
zuan Jesukristo Jauna.
54
Jerusalengo andre piadosak
aren errukimentuaz,
Kristoren segi an zijoazen
negarrez eta lantuaz,
ez neri negarrik egiņazazute
zeņek bere pekatuaz.
Jesus umillak au esanzien
atzera begiratuaz.
55
Besteren pekatuak gatikan
ainbeste badu merezi,
berak dauzkanak zertan dagoan
nainuke adierazi,
estadu ortan dagoanikan
deskantsuan eziņ bizi,
mundu onetan penitentzia
ez iņork geroko utzi.
56
Gurutzepean nekez zijoan
gure Jesukristo ori,
batean nekez jaikitzen bazan
beste aldian erori,
kunplimentua eziņ emanez
artua zeukan lanari,
ta burla askok egiten dio
mendean dagoanari.
57
Kalbariora allegatu zan
Jesus alako tristezan,
soņeko arropak kendu ziozkaten
lotsagarrizko torpezan,
llaga guztiak berriturikan
pena geyago arzezan
eta erori beazunezkoa
gustorik izan etzezan.
58
Lotsa aundian larrugorritu
beazuna berrizerari
desprezioak Zeru ta lurrak
bereak dituanari,
eta gaņera gu salbatzeko
lanetan zebillenari,
munduan burla egiten zayo
onra merezi duanari.
59
Mundura Kristo jayo zitzaigun
zenbat pena ikusteko,
esan zioten etzan zedilla
Gurutzeari josteko,
amorratuta zeuden juduak
Jesusen kontra asteko,
kupirarikan etzedukaten
zaiņ da ezurrak austeko.
60
Gurutze ori an zedukaten
zulaturikan lendanaz,
oiņ bi ta esku bat josi ziozkaten
martirio asko emanaz,
beste eskua eziņ iritxi
tiraka zaņak etenaz,
Amaren biotza erdiratuzan
Ark zeramazkien penaz,
61
Oyek guziyak etziran asko
juduak deskantsatzeko
aoaz bera bueltatu zuten
iltziak errematxatzeko,
bere gaņian jarri zitzaizkan
martilluakin jotzeko,
au aditzia bera da franko
biotzak erdiratzeko.
62
Gurutzean an alxatu zuten
jende askoren bistara
Jesus desonran lapur erdian
guziari erakustera,
ta lantzarekiņ pasia izantzan
sais batetik bestera,
negar egiten ezpadiyogu
aren umeak ez gera.
63
Lantzaz pasa ta iltzez josia
zinzilika Gurutzean,
iru orduan Jesus egonzan
txit agonia luzean.
Alare etzaukan etsayengana
gorrotorik biyotzean,
barkatutzeko pronto zegoan
bere aitzeneko trantzean.
64
Kristok esan zuan: Judu gogorrak
gaizki naute ni tratatu,
zer eiten duen eztaki ta
Aita nerea barkatu.
Aitzena zion bere Aita orri
anima enkomendatu,
Salbadorea orduan iltzan
orra penatikan libratu.
65
Gu pekatuak libratutzeko
jetxi zaņ Jesus maitea,
kunplitu zuan bere gusto ta
Aitaren borondatea
iriki zigun itxi genduen.
Zeruetako atea,
Ark eta Imaz'ek desio degu
danok ara juatea.
