Okertuak okertzaleari
1
Fortuna erori zait burutik behera,
Zuri baitauzut esker, gure jaun barbera.
Harriturik bakotxa niri dago beira
Bi begiez,
Nik guziak ikusten begi bakar batez.
Lehen biez,
Orai batez
Oro ikusten begi batez.
2
Mundu hau betea da zenbat atsegabez,
Barberak okertu nau, oklixe izanez.
Lehen banindagoen ardura nigarrez
Bi begiez.
Zertako biez egin? Aski daite batez!
Lehen biez,
Orai batez:
Jaun horri esker, begi batez!
3
Nonbait balinbadira bi bortz liberako,
Bietarik ohoinak ez dik bat utziko.
Zuhurra den gizonak ez beza egin lo
Bi begiez.
Barberak manaturik, egiten dut batez.
Lehen biez,
Orai batez:
Zuhurren gisa, begi batez.
4
Zure ohoratzeko, gure jaun barbera,
Lau kopla ez dirade izanen sobera.
Lehen ikusten nuen Betirisants bera
Bi begiez.
Milesker, jaun barbera, egun danik batez.
Lehen bien,
Orai batez.
Hobe lizate, niholaz ez!