Oi Migel dohatsua zuri oihuz gaude
ERREPIKA (usaiakoa)
Oi Migel dohatsua zuri oihuz gaude
Eman zaite zeruan herritarren alde.
1
Zure semeak orai Afrikan dabiltza
Jainkoaz-bethetzeko pagano bihotza.
Intzun arazten dute fedearen botza,
Aphez eskol emaile, salbatzeko beltza.
2
Eskualdunen fedea ez da oraikoa.
Hiru izarrek dute argitzen zerua:
Ibarren sortu Migel, Frantses Jatsukoa,
Hirugarrena Iņaki; goraipa Jainkoa!
3
Orai duela mende Betherramen hil zen
Migel saindua dugu kartsuki othoizten,
Eskualdun aphez saindu bethi izan giten,
Orotan laguntzeko mundua salbatzen.
4
Sainduen egoitzatik jar zite begira:
Eskualdunen artean epelak beitira,
Jauts ez ez dadin fedea sobera behera,
Bihotzetan phitzazu lehengo gar bera.
