Larrazken batez

N.C.

 1

 Hegoaren ufakoak abarra du higitzen

 Ekhi sartze gurbil batek zeruzola gorritzen

 Egun erdiko beroa aise dugu patitzen

 Bai eta haren eztiaz ere berdin goxatzen.

 2

 Udaminean iduriz hartu ezinegonak

 Ezarri gaitu herrestan eta ixil-ixilak

 Umilki burua apal dauka jende xumeak

 Ustez galduko direla bihotzeko xedeak.

 3

 Gezur hutsak ez dezake ekar osoki kalte

 Gizonak beti gizona balio saskitike

 Elge ttipian ildoek berdin elgarren eite

 Gau beltzenaren ondotik argiak bide luze.

 4

 Pentze zaharren erdian trufaz ari kardoa

 Hazitu gabe hori du nausiak moztekoa

 Maltzurrak gutiesten du bazter soz menpekoa.

 Entzunen du luzeago oihartzun parekoa.

 5

 Aztaparra eri dago lurra delarik lohi

 Larrua on duzu aldiz hezurra bada garbi

 Kalipuaren eskasez ahalgea du nausi

 Haurrak dezala ikasi aita dueno bizi.

 6

 Sasu itzalak utzirik abia goiz'argirat

 Barneko lanoak hurtuz solasta aintzinerat

 Ahapetik ari zena, lotsakor, beharrirat

 Mintzoan ozenki eta haguna ezpainerat.