Itsas-Haize
Noņiņa
1
Enbatarekin hasi tenpesta
Orai nihundik ezin arrasta.
Ximun Haranek ukan du jasta,
Bai etsaitasun, bai arrakasta...
2
Ximun pilotan: zer jendeketa!
Zer pilpiretan zaukan trinketa!
Airetik bilduz azken pilota,
Garhaitu zuen ŦSeņorŧ Ogueta!
3
Bozetan aldiz, akabo besta...
Ximunek ez du bizi erresta:
Nola zitaken sail hortan josta?
Dakienak daki zer zaion gosta...
4
Beharrik baitu izan kopeta
Zirikatzeko gure Prefeta!
Hunek hastio eskual-boneta:
Guk ezin jasan erdal-kasketa!
5
Hiru bat mila boza bildu-ta
Dauku Haran-ek hazia bota.
Laster hor dugu biharko uzta:
Sutan ari da sortzen ENBATA!
6
Christiane Etchalus, othoi barkatu,
Balin bazaitut hemen aipatu:
Eskual-Herria nahiz libratu,
Presondegian duzu pairatu.
7
Gezurra zuten errepikatu,
(Zure otoan berek sakatu)
Plaztikarekin zela zartatu
Harri bat, bainan... ezin frogatu!
8
Beharrik zinen ontsa mintzatu,
Juja ez baitzen guti harritu!
Geroztik fama zautzu hedatu,
Bazterrak ere noizbait ernatu.
9
Arbol ederra duzu landatu,
Ustegabetan baita loratu.
Asko ditutzu barna hunkitu:
Bi mila hurbil dira xutitu!
10
Bizi-nahia ez da bekatu:
Odol-mintzairak ezin ukatu!
Oraitik behar lanari lotu,
Nahi badugu bihar salbatu!