Jainkoaren Amaren sehaska kantua
Noel, Marie
1
Ene besotan ahul lo zauden ene Jaungoika maitea,
Ene haur bero, bihotz gainean eztitasunez betea,
Adoratzen dut urrumakatuz eman dautazun dohaina.
2
Semerik, Jauna, birjina gisa, ez nuen izaiten ahal.
Bainan goiz batez lore nindadin, hedatu zinautan itzal,
Eta loretik huna sortua eman dautazun dohaina.
3
Zuri zer itzul zure grazia ni baitan eroriz geroz?
Jainkoa barka ene irria, nik ere banuelakotz
Grazia ttipi xume kuttun bat, eman dautzutan dohaina.
4
Ahorik, Jauna, zuk ez zinuen munduari mintzatzeko.
Ene bulharra bihatzen duen aho ttipia, Semetto,
Ni ganik duzu, dena hitz zuhur, eman dautzutan dohaina.
5
Eskurik, Jauna, zuk ez zinuen, dohakaben sendatzeko.
Pinpirin guri, arrosa hetsi, eskuņo hori, Semetto,
Ni ganik duzu, dena sokorri, eman dautzutan dohaina.
6
Gorputzik, Jauna, zuk ez zinuen, gure arimen hazteko.
Gorputz guzia beztitzen dautzun haragi hori, Semetto,
Ni ganik duzu, denen janari eman dautzuzan dohaina.
7
Heriotzetik zuk ez zinuen munduaren salbatzeko.
Izaite hilkor gurutzeari hitzeman hori Semetto,
Ni ganik duzu, dena dolore, eman dautzutan dohaina.