Bertso hauek harrapatutako txori bati botatzen dizkiot
Narbarte, Xabier
1
Kaiola barruan sartu dute
nik hura banuen maite
orain preso daukate
txoriak nerekin tratatzen zuen
horrek egiten dit kalte
hemengo txori elkarte
eta berak zuen emazte
ez daukate aparte.
2
Hark maite zuen mendia
guk bizi ginen herria
paraje bat haundia
txoriak hegak onak zituen ta
dago hantxe apartia
adios txoriaren jabia
zuk zeneukan bizia
kendu dizu aberria.
3
Hori bazen edertasuna
nere lagunak zuena
gaur kentzeko dijoana
nik zu orain hantxe ikusi
han barruan daukazuna
hau da txoriaren barrena
usteldu dute hau dena
hauxe ez da azkena.
4
Bertsoak ditut gaur abesten
txoria han barruan ikusten
bere libertatea kentzen
nik harekin makina jolasa
egun batean nuen egiten
hura joan zen egunen
ez dut sekula ahazten
nola engainatu zuten.
5
Zuhaitz baten gainean
hantxe zegoen nere ondoan
hitz egiten egunean
bere penak neri esaten dit
nere begiko alboan
ateratzen zuen malkoan
txoria hola ikustean
beti negarrak betean.
6
Hark ez zuen bizitza ona
horretan seguru nagoena
txori haren oihartzuna
mendia zuen bizitokia
hori zuen bakarrena
han egongo da barrena
negarra osoan daukana
ezin joan ni txorigana.
7
Ez zuen txarra bihotza
hantxe joan zen heriotza
holako gauza latza
hura zen gure mendiak zuen
mantentzeko ikatza
azeri eta zapelatza
eta hemen zuhaitza
puskatu da gure baratza.
8
Hemen aurrean dut nik
bere parra eta negartik
hantxe dago oraindik
kaiolan sartu zuten eta
ez dago berean bihotzik
belar, lore eta mendirik
hura joan zen lurretik
ilundu ziren gogotik.
9
Eguzkia da begia
lainoa bere argia
eta negarra euria
haiek marroitu ziren gogotik
ikusi behar egia
agur bat zuri txoria
ematen dizut hobia
ondo pasatu urtia.
10
Ni arbola gainean
zu hor barrote ondoan
ikusi lehengo aberrian
malkoa atera duzu eta
hor zaude negarrean
zaude gure artean
txoriaren jabean
baina hobe librean.
