Ebaren alabak

Nabarra, X.

 1

 Jaun onak elgarrentzat eginak ederki

 Lurrean bizitzeko biak ohoreski

 Bainan nahiz zioten debekatu aski

 Ebak sagarra zuen gogotik ausiki.

 2

 Adam eta Ebaren lehen maitasunak

 Nahiz egin zituen biak hobendunak

 Sortu zituen mutil indartsu lerdenak

 Bai eta ere nexka atsedun lirainak.

 3

 Hasi zuen bezala etorki bideak

 Alabek segiturik amaren moldeak

 Mendez mende berdinak dire emazteak

 Lurreko sagardian uztaren loreak.

 4

 Ebak baitzuen sortu beraz emaztea

 Berak bezain gartsua daukan izaitea

 Amen alabek dute azkar sinestea

 Beti badaukatela bizien zortea.

 5

 Nola izarrek duten zerutik argitzen

 Eta gau ilunean ongi dirdiratzen

 Hala dute anderek ere distiratzen

 Bizia maitasunez dutelarik sortzen.

 6

 Bainan behin neska bat ari zen kezkatuz

 Mutil bat ezin azki gordinki jorratuz

 Gaizki heldua zela hari obedituz

 Harek eskaini zion nahi bat onhartuz.

 7

 Mutilak eman zion han arrapostua

 Onhartu hura zela berak opatua

 Ordainduko zuela egin bekatua

 Zaukan haurtxoa sortuz biek maitatua.

 8

 Amultsuki-onetsiz neskak amatzea

 Aginduz aitarekin haurra maitatzea

 Ohartuz egin zion ere aitortzea

 Ezin zirela bizi bat gabe bertzea.

 9

 Elgarturik bihotzez gero bi gazteak

 Maitasuna lokarri hat eta bertzeak

 Bizian biziari zabalduz ateak

 Dohatsuki zituzten gozatu urteak.

 10

 Emazten egintzetan miresgarriena

 Aita-amek elgartuz duten eztiena

 Maitasun garblenez denean egina

 Ez ote da amaren haur sortzearena.