Neskatxeri bi kontseilu

 1

 Neskatxa ezkont nahiak,

 entzun ene errana;

 Gizon-gaia hartzekotan

 etzaiztela engana...

 Koropillo gogorra da,

 ezin trenka daikena,

 bi senhar-emaztena!

 2

 Ezkont-aintzin zoin amultsu,

 galant hutsa, gizona!

 Menaiuan sartu-eta

 otso debruz egina...

 Koropillo gogorra da,

 ezin trenka daikena,

 bi senhar-emaztena!

 3

 Andre gaixoak leihotik

 botatzen du auhena:

 -Gogotik itzul nindaike

 ene aitamen gana!

 Koropillo gogorra da,

 ezin trenka daikena,

 bi senhar-emaztena!

 4

 Etxean nintzan urusa,

 etxeko libroena:

 Hemen aldiz bilhurria

 lepotikan emana...

 Koropillo gogorra da,

 ezin trenka daikena,

 bi senhar-emaztena!

 5

 Orduan egunez dantza,

 aratsean promena:

 Orai ni beti etxezain,

 lagun dutala lana...

 Koropillo gogorra da,

 ezin trenka daikena,

 bi senhar-emaztena!

 6

 Goiz-goizetik ilhuntzerat

 nabil leher-egina;

 Senharra beti ondotik,

 dener-so, oro mana...

 Koropillo gogorra da,

 ezin trenka daikena,

 bi senhar-emaztena!

 7

 Aizu balitz ezkontzea,

 kontent ez bada turna,

 Itsura ezkont laiteke,

 bainan dago errana:

 Koropillo gogorra da,

 ezin trenka daikena,

 bi senhar-emaztena!