Nere izandutako andregayari

 1

 Merezi duen neskatxa bati

 nua bertsuak jartzera,

 notizi onak juango zaizka

 belarriyaren ertzera.

 Arrazo txarrak berakin dauka

 orra itzetik ortzera,

 nongo galaya etorriko-da

 dontzella ori artzera.

 2

 Ni naiz Agustin, Donostiarra,

 orren nobiyo izana,

 dama orrekin ezkondutzeko

 asmuan egon nitzana.

 Amaika bider «nik maite zaitut»

 ori da neri esana,

 bañan denboraz antza eman nion

 tela ederra etzana.

 3

 Zumarraga-tik Donostia-ra

 neska ori etorriya,

 Ategorrieta-ko etxe batian

 zegon serbitzen jarriya,

 Orren piñeza nolakua dan

 nago ondo igarriya,

 ez nuen uste ziñanik orren

 mundu engañagarriya.

 4

 Egun batian pasiatuaz

 Ategorrieta-ra nijuala,

 neskatxa ori ni ekusita

 etorri zan beriala.

 Esan ziraden lanak egin da

 bakarrik an zeguala,

 eta nerekin erromeriya

 juateko asmua zuala.

 5

 Esan bezela arratsaldian

 Lezo-ra gera abiyatu,

 Santa Kristoren Eleiz artara

 gogoz genduan segitu.

 Nere nobiya orrek errezu

 ederrak an egin ditu, 

 andik irten da plazan baltsian

 iñola eziñ gelditu.

 6

 Sei ta erdiyetan etorri giñan

 Lezo aldetik etxera,

 ori atian despedituta

 juan nitzan apaltzera.

 Erretira onak eztu ekartzen

 biyaramonik galtzera,

 beranduago iñoiz juaten

 oituba izango zera.

 7

 Andik urrengo ostegunian

 berriz giñan alkarrekiñ,

 galdetu nion tratamenturik

 izan zuen iñorekiñ;

 erantzun ziran: -Olako lanik

 nik ez det nai iñorekiñ,

 mundu ontako egun bakarrak

 pasa biaitut zurekiñ.

 8

 Neskatxa onek bere baimena

 orla eman ziranian,

 aita ta amaren etxera juan

 giñan biyaramonian.

 Guraso oyek konformaturik

 alabaren esanian,

 ezkondutzeko esan ziguten

 geok nai genduanian.

 9

 Ezkontzerako urte betian

 josten ikasi aurrena,

 makiñatxo bat biar zubela

 esan zirade urrena:

 Bilbao-tikan ekarri nuan

 juanda altzan azkarrena,

 milla errial kosia zitzaidan

 etzan izango txarrena.

 10

 Migel Deuneian Urnieta-ra

 urrengo erromeriya,

 ollanda onekin ekusi det nik

 makiñabat komeriya;

 nere patrikara ustuizia da

 beti onen lanteriya,

 orrekiñ orla ibiltzia da

 guztizko zorakeriya.

 11

 Orren asea ederrak nola

 diran ari naiz azaltzen,

 bañan alare orrelakorik

 ez da barrendik kejatzen;

 beti zerbaiten eske ari da

 ez du pakian lajatzen,

 eta gañera belarritako

 batzuek dizkit eskatzen.

 12

 Belarritako oyek aukera

 gero nobiya gaztiak,

 pena ematen ziran ayeri

 erosi gabe uztiak;

 preziyo oyek ikaratuta

 jarriko ditu guztiak,

 ogei pezeta dirade neri

 patrikaratik kostiak.

 13

 Illabetera esposatzeko

 berak esan ziranian,

 pentsatu nuen egongo zala

 txit borondate onian.

 Begira jarri naiz dama orri

 andik urrengo egunian,

 Bitoria'ko lebita dun bat

 zedukan aldamenian.

 14

 Mundu onetan gutxi dirade

 orren antzeko personak,

 ez sinistia obe litzake

 orlakuaren esanak.

 Biyotzez palso ibilli arren

 mingañan ditu itz onak,

 amaika barau egin bear du

 au artzen duben gizonak.

 15

 Lenago ere modu ontako

 kontuak pasa ei-dira,

 erantzutia onek merezi

 luke bere arpegira;

 orlakuekin geyago ere

 laister esposatuko dira,

 tranposa orrek denboraz artu

 zuen nere despedida.

 16

 Oraiñ dadukan nobiyo orrek

 makiña entregatu zian,

 lepuan artuta etorri zaidan

 zorrozkillien antzian;

 kale kantoyan orrekin dago

 lanetik au etortzian,

 sukalde otza maiz izango da

 au bizitzen dan etxian.

 17

 Paper onetan dauden bertsuak

 nai zituan galerazi,

 enpeñu billa nola zebillen

 neronek nuen ikusi.

 Zu bezelako saltzerak asko

 geyago zuen merezi,

 nere andregai Goierrikua

 gustu badezu ikasi.