Nere andrea

 1

 Ezkongayetan zerbait banintzan

 ezkondu eta ezer ez,

 edertzalia banintzan ere

 aspertunitzan ederrez

 nere gustua egin nuben ta

 orain bizi naiz dolorez.

 2

 Nere andrea andre ederra zan

 ezkondu nitzan orduan,

 mudatuko zan esperantzarik

 ere batere ez nuan

 surik batere baldin badago

 maiz dago aren onduan.

 3

 Zokoak oikin tximak jario

 aurra zinzilik besoan,

 adobakia desegokia

 gona zarraren zuloan,

 iru txikiko botella andia

 dauka berekin albuan.

 4

 Nere andrea alperra dago

 ez da munduan bakarrik,

 gauza gozoen zalea da ta

 ez du egin nai bearrik,

 sekulan ere ondo izango ez da

 alakoaren senarrik.

 5

 Larunbatetik larunbatera

 garbitzen ditu zatar bi

 bere ayeixek berotutzeko

 egur erretan zama bi

 belaun bietan bana artuta

 ez da isiltzen kantari.

 6

 Nere andrea goiz jaikitzen da

 festera biar danean,

 buruko miña egiten zayo

 asi baño len lanean,

 zurekin zer gertatuko zan

 nik bildurrik ez nuan.