Nevadako Artzaina
M.U. [Uztarriztarra]
1
Amerikako menditik nahi ditut igorri
Ene berri eta goraintziak Eskual herriari
Nere aita ama on eta aurride heieri
Gazte lagun on eta maite polit hari.
2
Bertsulariak badira ni baino hobiak,
Kantuz ezarri baituzte hemengo berriak:
Nere maneran horra nik ere neuriak:
Bethi erran behar baitira goraki egiak.
3
Numbaiteko ezin bertziak oi hola emanik.
Hoimbertze bidetan jina naiz herritik
Ez plazerrez gose ez eta josteten ondotik,
Zombait urthez lanerat gerokuaren gatik.
4
Nevadako desertu batian gorasko
Bi urthe huntan arthalde baten zain nago:
Gorphutzez hemen eta ere gogua oraino
Ardura hegaldatzen zaut Eskual herriraino
5
Karro baten barnian ditut sukalde gambera
Lau erroten gainian dadi zer muntadura
Hau erabil baititake nahi den lekura
Nerekin ekarriren dut nere sort-herrira.
6
Ez izana gatik ere hiriko Jauregian,
Nere karruan bakarrik bizi naiz bakian;
Jainkoari eskerrak bethi osagarri onian
Bai, alegera, eta trankil bihotzian.
7
Sabai baten pare naiz Igande egunetan
Ezin bainitake kausi meza bezperetan:
Laneko egun ala eliza bestetan
Diferentziarik ez da hemengo maneretan.
8
Negu beltza da hemen ostua eror pundutik,
Horma, haize eta elhur edozoin aldetik
Urthe erdia elhurra ezin kenduz zangopetik,
Iguzkiak ez baitu aski berotzen zerutik.
9
Udan ederrago dira hemen ere bazterrak,
Zelhayetan ikusten diren ontasun ederrak
Nun ordia, nere herriko etche pollit gizenak
Hango pentze, alhor eta mahasti urdinak?
10
Orotan uda eta negia, behar eta badire;
Bainan artzainarentzat bethi uda hobe.
Egun guzia elhurra eta euri eginik ere,
Kampoan egon behar baitu zerua atherbe.
11
Ezkontzerik ez baitut oraino pentsatzen,
Arthe huntan kozina dut nihaurek prestatzen.
Garbitze ala churitze bai eta ere apaintzen,
Hemen gerthatzen denak du denetan ikasten...
12
Baditake hemen ere kozinera finik,
Pampignak iduriak lorios eta ederrik:
Hain segur horietan ez da enetzat eginik,
Eskual-herrian batto baitut ez duena parerik...
13
Andre onak badirela diote orotan;
Bainan zaharrer hau dut aditu frangotan:
Hoberenak direla bethi «Eskualdunetan»
Nahi badugu zoriona izan mundu huntan
14
Jainkoaren nahia neuria bezala badago,
Ez naiz zaharturen ni hemen donado,
Bertze hoinbertze dembora eginik oraino,
Itzuli nahi nuke Eskual herriraino.
15
Mundu guzian baitira plazer eta penak,
Batzu ttipi eta bestiak handiak direnak,
Heldu diren bezala hartzen ditut denak.
Etsemplua eman baitauku Salbatzaile onak.
16
Artzain izana distirant izar guzien artetik;
Artzainak hari bea ar gaiten menditik.
Janinko onari othoitzean bihotzaren erditik,
Kantuz ar gaiten gero hil ondoan zerutik.