Aireko lagunak Xalbadorri
M.S.
1
Orai lau urte xuxen gu Amerikarat
Gomitua jin zaukun egiteko tur bat
Sahetsean Xalbador aireko laguntzat
Orhoitzapen hoberik ez daiteke hanbat.
2
Noiz izaiten ahal da holako laguna
Hak azkartu derauku Euskaldun omena
Oroz gainetik maite hak xinpletasuna
Horrek egiten baitu maiz handitasuna.
3
Egunaz egin eta ainitz itzulika
Euskaldunak atsetan bilduak trumilka
Arrunt zainen gainean gure Amerika
Xalbadorren bertsuak ezin igurika.
4
Miresgarria zaukun jaun horren dohaia
Sustatzen gindakola kantuko enbeia
Harrotu nahiz haren bertsuen kofoia
Denak bertsulariak gu hartako doia.
5
Mundu hunen uztea iduriz Ian gaitza
Orai arte trixtatzen zerautan bihotza
Zu partituz geroztik ez zeraut hain latza
Zure hor ikusteko baitut esperantza.
6
Euskaldun anai zazpi Probintzitakoak
Eta urrun zarezten Amerikakoak
Otoitzez bil ditzagun guk bihotz gogoak
Gora beira dezaukun Xalbador Jainkoak.