Oro xitan
M.P.
Egunak oiloaren pare
xitatzen du zelhaia.
Zelhailuzeak xitatzen du
herri-bazter ixila.
Herri-bazterrak xitatzen du
teila-peko etxea.
Etxeak berriz xitan dauka
haurņoaren bihotza.
Haurrak, bihotza dena othoitz,
xitatzen du eliza.
Elizak bere hegal-pean
xitatzen hil ttipia.
Hil-ttipiak bere kutxatik
xitatzen du dorrea.
Ezkila-dorreak xitatzen
ixiltasun gozoa.
Ixiltasunak xitatzen du
daugin egun berria.
Egun berriak xitatzen du
heldu den gau berria.
Eta gauak xitan derauka
bertze haur bat ederra.
Haur ederrak biharko dauka
xitan orhoitzapena.
Orhoitzapenak xitatzen du
etziko ahanzpena.
Ahanzpenak xitan zer daukan
ez da argi-argia.