Zertako eni holakorik?

M.H.

 1

 Ikusten zitudalarik, hor nuzu zure ondotik;

 Zuk aldiz ene alderat ez duzu begi-kolperik.

 Zertako eni holakorik?

 2

 Hurbiltzen naizenean zurekilan mintzatzeko,

 Irri egiten dautazu nitaz gaizki trufatzeco.

 Holokorik eni zertako?

 3

 Telefonatu nerautzun ahalaz samurkienik:

 Gizon mintzo lodi batek arrapostu zurentik!

 Zertako eni holakorik?

 4

 Egun batez deitu nuzu elgarrekin dantzatzeko

 Ni joan, zu etxen gelditu: nola ni ez erhotuko?

 Holakorik eni zertako?

 5

 Maianak ez du aspaldi nitaz zerbait aipaturik,

 Ukatu-nuzu erranez: Ez dakit haren izenik!

 Zertako eni holakorik?

 6

 Nigarrez, denen ixilik, zer bizia enetako?

 Zure maitez, oi krudela, badut zerbait sofritzeko!

 Holakorik eni zertako?

 7

 Oraino ene xangrinen ez bazinaki berririk,

 Kontsola nainte, maitea, behatuz ordu hoberik!

 Zertako eni holakorik?