Moderna izana gatik
M.E.
1
Otoa xarmanta da erdi beltx ta grisa:
Lau errota-re baditu modernenen gisa...
Bainan hortan joaiteko ez da behar prisa:
Hortakotz du xofurrak ez pastu permisa.
2
Zer gustian joan ginen «jaun handi» jarri-ta!
Segur ginen, karkulen egiten hasi-ta,
Ez zutela utziko, oto hau kusi-ta,
Permisarikan gabe holako bisita!...
3
Jendek zioten hartaz «vachement barrake»!
Behatzen ziotela kusirik berak-e,
Oto tzarra hasten da, gelditurik tente,
Jauzi, ostiko, putar, irrintzina ta ke!
4
Ah! Zer den urgulua! Ta bizkitartean
(Hau erraiten dautzuet, hemen gutartean)
Leiorat ezin dena jartzen da atean,
Oto hori bixtatik itzali artean!
5
Denek ontsa kusi-ta gibel ta aintzina,
Partitu da otoa, nola erregina!
Nagusiak: «Haiteke berriz hunat jina,
Izanen dukalarik hortako adina!»
6
Gazteegi, bixtan da... eta agradosa!
Ixila ta goxoa, iduri arrosa...
Hirian bakarrikan uzteaz gu lotsa,
Zortzi egunik barne bailaike esposa!...
7
Jin delarik orena permisa pasteko,
Oto txarrak: «Ez niz ni egina kasteko!»
Eta emana gatik bospasei ostiko
Behar den tenorean ez da partituko!
8
Ah! otozain maitea, bizitzeko uros,
Holako oto «jaun» bat zinez da agrados!
Bainan kontseilu on bat, anai girelakotz,
Permisaren pasteko bertze zerbait eros!