Euzkadi ene aberria
M.E.
1
Euzkadi ene aberria,
Zuri so eginez
Gelditzen naiz ahalgez.
Zu Euzkadi ene Ama
Bazterrerat duzu utzi haurra,
Zendako zira kanbiatua.
2
Euzkadi ene Ama
Zu hoin ederra
Saldu duzu zure arima
Gizon kanpotiarrer.
Heier egiteko plazer
Utzi zikintzerat zure egoitza.
3
Euzkadi ene Ama
Nun duzu euskaldun arima
Ez dut ezagutzen zure mintzaia
Ezen da erdalduna!
Oi, zendako zira kanbiatua
Ala ukatu duzu euskaldungoa?
4
Euzkadi ene Ama
Geldi edatetik
Geldi kantu eta dantzatik
Har berriz bidea
Euskaldungoaren bidea.
5
Euzkadi ene Ama
Ez sal gehiago zure gorputza
Aiseria utz bazterreaa
Besta akabatzen ari da
Iluna berriz desterruaren denbora
6
Euzkadi ene Ama
Ez utz hiltzerat zure anima
Har zure bisai dorpea,
Indarraren eta nahiarena
Gudukako bidea
7
Kanbia zure bizia
Bazterrerat utz kanpotiarrak
Berriz ezagutuz zure haurrak,
Piztuko eta azkartuko zira
Oi, Euzkadi, ene Ama.