Askatasun gabea

M.E.

 1

 Presondegi barnean bi espos besarka

 Azken gaua zer daiken ezin daike asma

 Hiltzera doanaren hau da testamenta

 Biziko azken hitzak ezin ahantz dira.

 2

 Mokanes busti hauxe sakelan har-azu

 Bihar agin nigarrak huntaz xukazkitzu

 Ohorezko leku bat etxean emozu

 Gau dohakabe huntaz zaitezen orroitu.

 3

 Gure seme maitea besotan har-azu

 Aita zendako hil den lañoki errozu

 «Askatasun osoa dezagun gozatu

 Oi gu denentzat aitak bizia eman du.»

 4

 Ene jarri tokian haurra ezarazu

 Aitaren ber gogoan haundiaraz azu

 Esperantza beteaz kantu egiozu

 Mundu edertzale bat hola eginen du.

 5

 Ene espos maitea, berriz ikus arte.

 Elgar maite dutenak berex ez ditaizke:

 Ene gogo nahiaz berme egon zaite

 Hiltze hunek dau-zula bihotzean fede.

 6

 Argi zirrintean zen atea ideki

 Nigar marraskaz elgar besok ezin utzi

 Gizon gaixoa zuten hil tkoian'zarri

 Martirraren odola oihuz geroari.

 7

 Alegia huntaz gu orai gogoeta

 Gizartean ez dadin holakorik gerta

 Askatasun gabean maitasunik ez da.

 Jainko nahia bera dugun errespeta.